„სახელმწიფო საკუთრებაში არსებული უძრავი ქონების შპს „ასტორიისათვის” პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2012 წლის 14 მარტის №14/03/07 განკარგულებით განსაზღვრულისგან განსხვავებული პირობების დადგენისა და შპს „ასტორიის“ საქმიანობის ხელშესაწყობად რიგ ღონისძიებათა განხორციელების თაობაზე

საქართველოს მთავრობის

განკარგულება №913

2014 წლის 22 მაისი

ქ. თბილისი

 „სახელმწიფო საკუთრებაში არსებული უძრავი ქონების შპს „ასტორიისათვის” პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2012 წლის 14 მარტის №14/03/07 განკარგულებით განსაზღვრულისგან განსხვავებული პირობების დადგენისა და შპს „ასტორიის“ საქმიანობის ხელშესაწყობად რიგ ღონისძიებათა განხორციელების თაობაზე

1. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტისა და „სახელმწიფო ქონების შესახებ“ საქართველოს კანონში ცვლილების შეტანის თაობაზე“ 2013 წლის 6 სექტემბრის №1037- Iს საქართველოს კანონის მე-2 მუხლის პირველი პუნქტის შესაბამისად:

ა) დადგინდეს „სახელმწიფო საკუთრებაში არსებული უძრავი ქონების შპს „ასტორიისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2012 წლის 14 მარტის №14/03/07 განკარგულების მე-2 პუნქტის „ბ“ ქვეპუნქტით განსაზღვრულისაგან განსხვავებული შემდეგი საპრივატიზებო პირობა:

„ბ) „სახელმწიფო საკუთრებაში არსებული უძრავი ქონების შპს „ასტორიისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2012 წლის 14 მარტის №14/03/07 განკარგულების პირველი პუნქტით გადაცემულ უძრავ ქონებაზე კაფის მშენებლობა, მისი, კანონით დადგენილი წესით, ექსპლუატაციაში მიღება და  ავტოსადგომის მოწყობა;“;

ბ) „სახელმწიფო საკუთრებაში არსებული უძრავი ქონების შპს „ასტორიისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2012 წლის 14 მარტის №14/03/07 განკარგულების მე-2 პუნქტის „გ“ ქვეპუნქტი გაუქმებულ იქნეს.

2. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის შესაბამისად, შპს „ასტორია“ (ს/კ №224067630) გათავისუფლდეს საქართველოს ეკონომიკისა და მდგრადი განვითარების სამინისტროსა (უფლებამონაცვლე - საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ - სახელმწიფო ქონების ეროვნული სააგენტო) და შპს „ასტორიას“ შორის 2012 წლის 8 მაისს გაფორმებული ნასყიდობის ხელშეკრულების პირობების დარღვევისათვის, ამ განკარგულების საფუძველზე შესაბამისი ხელშეკრულების გაფორმებამდე, დაკისრებული ან/და დასაკისრებელი  პირგასამტეხლოსგან.

3. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა - სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათალისწინებული შესაბამისი ღონისძიებები.

პრემიერ‑მინისტრი                    ი . ღარიბაშვილი