„ევროკავშირის კრიზისების მართვის ოპერაციებში საქართველოს მონაწილეობისათვის სტრუქტურის ჩამოყალიბების თაობაზე“ საქართველოსა და ევროკავშირს შორის შეთანხმების შესაბამისად, სამოქალაქო კრიზისების მართვის ოპერაციებში საქართველოს მონაწილეობისათვის აუცილებელი შიდა საკანონმდებლო ბაზის სრულყოფის მიზნით, უწყებათაშორისი სამუშაო ჯგუფის შექმნის შესახებ

საქართველოს მთავრობის

განკარგულება №862

2014 წლის 16 მაისი

ქ. თბილისი

,,ევროკავშირის კრიზისების მართვის ოპერაციებში საქართველოს მონაწილეობისათვის სტრუქტურის ჩამოყალიბების თაობაზე“ საქართველოსა და ევროკავშირს შორის შეთანხმების შესაბამისად, სამოქალაქო კრიზისების მართვის ოპერაციებში საქართველოს მონაწილეობისათვის აუცილებელი შიდა საკანონმდებლო ბაზის სრულყოფის მიზნით, უწყებათაშორისი სამუშაო ჯგუფის შექმნის შესახებ

,,ევროკავშირის კრიზისების მართვის ოპერაციებში საქართველოს მონაწილეობისათვის სტრუქტურის ჩამოყალიბების თაობაზე“ საქართველოსა და ევროკავშირს შორის შეთანხმების შესაბამისად, სამოქალაქო კრიზისების მართვის ოპერაციებში საქართველოს მონაწილეობისათვის აუცილებელი შიდა საკანონმდებლო ბაზის სრულყოფის მიზნით:

1. შეიქმნას შესაბამისი საკანონმდებლო ცვლილებების პროექტების შემმუშავებელი უწყებათაშორისი სამუშაო ჯგუფი (შემდგომში – სამუშაო ჯგუფი) შემდეგი უწყებების წარმომადგენელთა შემადგენლობით:

ა) საქართველოს შინაგან საქმეთა სამინისტრო;

ბ) სახელმწიფო უსაფრთხოებისა და კრიზისების მართვის საბჭო;

გ) საქართველოს საგარეო საქმეთა სამინისტრო ;

დ) საქართველოს იუსტიციის სამინისტრო;

ე) საქართველოს ფინანსთა სამინისტრო;

ვ) საქართველოს თავდაცვის სამინისტრო;

ზ) საქართველოს გარემოსა და ბუნებრივი რესურსების დაცვის სამინისტრო;

თ) ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის აპარატი.

2. სამუშაო ჯგუფის შემადგენლობაში ასევე შედის საქართველოს მთავრობის საპარლამენტო მდივანი.

3. ამ განკარგულების პირველ პუნქტში აღნიშნულმა უწყებებმა, 2014 წლის 1 5 მაისამდე, წარმოადგინონ შესაბამისი კანდიდატები სამუშაო ჯგუფში მონაწილეობისათვის.

4. სამუშაო ჯგუფმა, 2014 წლის 30 სექტემბრამდე, შეიმუშაოს და საქართველოს მთავრობისთვის წარდგენის მიზნით, საქართველოს მთავრობის კანცელარიას წარუდგინოს ზემოთაღნიშნული შეთანხმების შესაბამისად სამოქალაქო კრიზისების მართვის ოპერაციებში საქართველოს მონაწილეობისათვის აუცილებელი საკანონმდებლო ცვლილებების პროექტები.

5. სამუშაო ჯგუფის წევრებმა თავისი შემადგენლობიდან უზრუნველყონ სამუშაო ჯგუფის ხელმძღვანელის არჩევა.

6. სამუშაო ჯგუფის უფლებამოსილების ვადა განისაზღვროს შესაბამისი საკანონმდებლო ცვლილებების პროექტების საქართველოს პარლამენტისთვის განსახილველად წარდგენის მომენტამდე.

პრემიერ-მინისტრი                                             ირაკლი ღარიბაშვილი