,,საქართველოს თავდაცვის სამინისტროს სამოქალაქო ოფისის საჯარო მოხელეთა დამატებითი საკვალიფიკაციო მოთხოვნების დამტკიცების შესახებ‘‘ საქართველოს თავდაცვის მინისტრის 2014 წლის 12 თებერვლის №10 ბრძანებაში ცვლილების შეტანის თაობაზე

,,10. საქართველოს თავდაცვის სამინისტროს სამოქალაქო წარმომადგენელი გაერო-ში:

ა) უმაღლესი განათლება (პრიორიტეტულია საერთაშორისო ურთიერთობები, საერთაშორისო სამართალი, სახელმწიფო მართვა, ჰუმანიტარული მეცნიერებები);

ბ) თავდაცვის, უსაფრთხოების ან საერთაშორისო ურთიერთობების სფეროში მუშაობის არანაკლებ 4 წლის გამოცდილება;

გ) სასრუველია ხელმძღვანელ თანამდებობაზე მუშაობის გამოცდილება;

დ) სასურველია საერთაშორისო ორგანიზაციებთან მუშაობის გამოცდილება;

ე) შემდეგი კანონმდებლობის ცოდნა:

ე.ა) საქართველოს კონსტიტუცია;

ე.ბ) ,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ” საქართველოს კანონი;

ე.გ) ,,დიპლომატიური სამსახურის შესახებ” საქართველოს კანონი;

ე.დ) ,,საქართველოს თავდაცვის შესახებ” საქართველოს კანონი;

ე.ე) ,,საჯარო სამსახურის შესახებ” საქართველოს კანონი;

ე.ვ) ვენის 1961 წლის კონვენცია ,,დიპლომატიური ურთიერთობების შესახებ”;

ე.ზ) ,,საქართველოს თავდაცვის სამინისტროს დებულების დამტკიცების შესახებ” საქართველოს მთავრობის 2013 წლის 22 ნოემბრის №297 დადგენილება;

ე.თ) გაერო-ს წესდება;

ე.ი) „თავდაცვის ატაშეს, საქართველოს თავდაცვის სამინისტროს წარმომადგენლის და მათი აპარატების საქმიანობის წესისა და თანამდებობების დასახელების შესახებ“ დებულების დამტკიცების თაობაზე” საქართველოს თავდაცვის მინისტრის 2009 წლის 13 მარტის №188 ბრძანება;

ე.კ) ,,საქართველოს თავდაცვის სამინისტროს თავდაცვის ატაშეებისა და სამინისტროს წარმომადგენლების ოფისის (სამმართველო) დებულების დამტკიცების შესახებ” საქართველოს თავდაცვის მინისტრის 2009 წლის 31 დეკემბრის №833 ბრძანება;

ვ) ინგლისური ენის სრულყოფილი ცოდნა;

ზ) კომპიუტერის ძირითადი საოფისე პროგრამების ცოდნა.“.