„2011 წლის რთველის ხელშეწყობის ღონისძიებების დასაფინანსებლად გასატარებელი ღონისძიებების შესახებ“ საქართველოს მთავრობის 2011 წლის 4 აგვისტოს №1596 განკარგულებაში ცვლილების შეტანის თაობაზე

საქართველოს მთავრობის

განკარგულება №1900

2011 წლის 8 ოქტომბერი

ქ. თბილისი

„2011 წლის რთველის ხელშეწყობის ღონისძიებების დასაფინანსებლად გასატარებელი ღონისძიებების შესახებ“ საქართველოს მთავრობის 2011 წლის 4 აგვისტოს №1596 განკარგულებაში ცვლილების შეტანის თაობაზე

საქართველოს ზოგადი ადმინისტრაციული კოდექსის 63-ე მუხლის შესაბამისად, „2011 წლის რთველის ხელშეწყობის ღონისძიებების დასაფინანსებლად გასატარებელი ღონისძიებების შესახებ“ საქართველოს მთავრობის 2011 წლის 4 აგვისტოს №1596 განკარგულებაში შეტანილ იქნეს ცვლილება და 1 – 1¹ პუნქტები ჩამოყალიბდეს შემდეგი რედაქციით:

„1. საქართველოს სოფლის მეურნეობის სამინისტრომ „საქართველოს 2011 წლის სახელმწიფო ბიუჯეტის შესახებ“ საქართველოს კანონით „რეგიონებში სოფლის მეურნეობის განვითარების პროგრამით“ (ორგანიზაციული კოდი – 37 01 15) გამოყოფილი ასიგნებებიდან სსიპ – ვაზისა და ღვინის დეპარტამენტ „სამტრესტს“ პროგრამა „რთველის ხელშეწყობის ღონისძიებების“ დასაფინანსებლად გამოუყოს 5 600 000( ხუთი მილიონ ექვსასი ათასი) ლარი.

1¹. ამ განკარგულების პირველი პუნქტით განსაზღვრული პროგრამის შეუფერხებლად განხორციელების მიზნით საქართველოს ფინანსთა სამინისტრომ „საქართველოს 2011 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან საქართველოს სოფლის მეურნეობის სამინისტროს გამოუყოს 2 000 000 (ორი მილიონი) ლარი.“.

პრემიერ-მინისტრი                                                    ნ. გილაური