,,საქართველოს თავდაცვის სამინისტროს ადმინისტრაციის დებულების დამტკიცების თაობაზე” საქართველოს თავდაცვის მინისტრის 2013 წლის 28 მარტის №221 ბრძანებაში ცვლილების შეტანის შესახებ

1. ბრძანების პრეამბულა ჩამოყალიბდეს შემდეგი რედაქციით:

 „საქართველოს მთავრობის სტრუქტურის, უფლებამოსილებისა და საქმიანობის წესის შესახებ” საქართველოს კანონის მე-18 მუხლის მე-2 პუნქტის შესაბამისად, ,,ნორმატიული აქტების შესახებ” საქართველოს კანონის 25-ე მუხლის პირველი პუნქტის ,,ბ” ქვეპუნქტისა და „საქართველოს თავდაცვის სამინისტროს დებულების დამტკიცების შესახებ“ საქართველოს მთავრობის 2013 წლის 22 ნოემბრის №297 დადგენილებით დამტკიცებული საქართველოს თავდაცვის სამინისტროს დებულების მე-3 მუხლის მე-3 პუნქტის ,,ჟ’’ ქვეპუნქტის შესაბამისად, ვბრძანებ:’’.   

2. ბრძანებით დამტკიცებული დებულების მე-8 მუხლი ჩამოყალიბდეს შემდეგი რედაქციით:

,,მუხლი 8.

1. პარლამენტთან ურთიერთობისა  და სამართლებრივ საკითხთა  დეპარტამენტის ქვედანაყოფებია:

ა) პარლამენტთან ურთიერთობისა და კანონშემოქმედებითი საქმიანობის სამმართველო;

ბ) სამართლებრივი უზრუნველყოფის სამმართველო;

გ) სასამართლოებში წარმომადგენლობის სამმართველო.

2. პარლამენტთან ურთიერთობისა და კანონშემოქმედებითი საქმიანობის  სამმართველოს ფუნქციებია:

ა) კანონშემოქმედებით სფეროში საქართველოს პარლამენტისა და სამინისტროს ურთიერთობის კოორდინაცია და საპარლამენტო მდივნისათვის „საპარლამენტო მდივნის შესახებ“ საქართველოს კანონით მინიჭებულ უფლებამოსილებათა განხორციელების ხელშეწყობა;

ბ) საქართველოს მთავრობის საპარლამენტო მდივანთან წარსადგენ კანონპროექტთა ნუსხის შემუშავება;

გ) წინადადებების შემუშავება სამინისტროს კანონშემოქმედებითი გეგმის თაობაზე და გეგმით გათვალისწინებული საკითხების დადგენილ ვადებში შესრულება და შესრულების კოორდინაცია, ასევე სამინისტროს მიერ ინიციირებული საქართველოს მთავრობის სამართლებრივი აქტების პროექტების მომზადება;

დ) კომპეტენციის ფარგლებში, სხვა უწყებებიდან შემოსული საქართველოს პარლამენტის, საქართველოს მთავრობის, ,,ელექტრონული მთავრობის“ პროგრამაში ატვირთული, აგრეთვე საქართველოს პრეზიდენტის სამართლებრივი აქტების პროექტებზე სამართლებრივი დასკვნების მომზადების უზრუნველყოფა;

ე) კომპეტენციის ფარგლებში, საქართველოს პარლამენტიდან და მთავრობიდან  საპარლამენტო და სამთავრობო კონტროლის განხორციელების მიზნით შემოსული კორესპოდენციის  განხილვა და შესაბამისი რეაგირება.

2. სამართლებრივი უზრუნველყოფის სამმართველოს ფუნქციებია:

ა) კომპეტენციის ფარგლებში, შესაბამისი ნორმატიული აქტების და ინდივიდუალური ადმინისტრაციულ-სამართლებრივი აქტების პროექტების მომზადება და სამართლებრივი ექსპერტიზა;

ბ) კომპეტენციის ფარგლებში, სხვა უწყებებიდან შემოსული და სამინისტროს სისტემაში მომზადებული სამართლებრივი აქტების პროექტებზე სამართლებრივი დასკვნების მომზადების უზრუნველყოფა;

გ) მინისტრის მიერ გამოცემული ნორმატიული აქტების ნორმატიული აქტების სახელმწიფო რეესტრში რეგისტრაციისათვის წარდგენის კოორდინაცია;

დ) კომპეტენციის ფარგლებში, საჯარო ინფორმაციის ხელმისაწვდომობის უზრუნველყოფის მიზნით, სამინისტროს სათანადო სტრუქტურული ქვედანაყოფებიდან და სამინისტროს სისტემაში მოქმედი საჯარო სამართლის იურიდიული პირებისაგან შესაბამისი მონაცემების გამოთხოვა და მიღებული ინფორმაციის განმცხადებლისათვის წარდგენის უზრუნველყოფა;

ე) კომპეტენციის ფარგლებში, უწყებათა/პირთა წერილების/განცხადებების განხილვა და შესაბამისი რეაგირება.

3. სასამართლოებში წარმომადგენლობის სამმართველოს ფუნქციებია:

ა) კომპეტენციის ფარგლებში, სამინისტროს წარმომადგენლობა სასამართლო დავებზე;

ბ) კომპეტენციის ფარგლებში, სამინისტროს წარმომადგენლობა გამოძიების და სააღსრულებო ორგანოებში;

გ) კომპეტენციის ფარგლებში, სამინისტროს წარმომადგენლობა ადმინისტრაციულ ორგანოებში (სამინისტროს ადმინისტრაციული საჩივრ(ებ)ის განხილვისას);

დ) კომპეტენციის ფარგლებში, სასამართლოს გადაწყვეტილებების აღსრულების კოორდინაცია;

ე) სამინისტროში შემოსული ადმინისტრაციული საჩივრების (საჭიროებისამებრ, სამინისტროს შესაბამის სტრუქტურულ ქვედანაყოფებთან ერთად) განხილვა და საჭიროების შემთხვევაში შესაბამისი სამართლებრივი აქტების პროექტების ან/და  წინადადებების შემუშავება;

ვ) სამინისტროს მონაწილეობით მიღებული სასამართლოს გადაწყვეტილებების განზოგადება და რეკომენდაციების წარდგენა სამინისტროს სტრუქტურული ერთეულებისათვის;

ზ) კომპეტენციის ფარგლებში, პირთა განცხადებების განხილვა და შესაბამისი რეაგირება;

თ) სამინისტროში შემოსული სისხლის, სამოქალაქო და ადმინისტრაციულ საპროცესო კანონმდებლობაში, სააღსრულებო  და სასამართლოებთან დაკავშირებული საკანონმდებლო აქტების პროექტებზე სამართლებრივი დასკვნების მომზადება;

ი) კომპეტენციის ფარგლებში, შესაბამისი ნორმატიული აქტების და ინდივიდუალური ადმინისტრაციულ-სამართლებრივი აქტების პროექტების მომზადება და სამართლებრივი ექსპერტიზა.”.