„საჯარო სამართლის იურიდიული პირის – თბილისის აპოლონ ქუთათელაძის სახელობის სახელმწიფო სამხატვრო აკადემიის წესდების დამტკიცების შესახებ“ საქართველოს კულტურისა და ძეგლთა დაცვის მინისტრის 2014 წლის 16 მაისის N05/84 ბრძანებაში ცვლილების შეტანის შესახებ

„3. ამ მუხლის მეორე პუნქტით გათვალისწინებული კოლეგიალური ორგანოების ფორმირების შემდგომ და არაუგვიანეს 2014-15 სასწავლო წლის დაწყებამდე, უნდა გამოცხადდეს აკადემიის რექტორისა და ფაკულტეტების დეკანების არჩევნები წესდებით დადგენილი წესით;

4. ამ მუხლის მეორე პუნქტით გათვალისწინებული კოლეგიალური ორგანოების ფორმირების შემდგომ და არაუგვიანეს 2014-15 სასწავლო წლის დაწყებამდე, უნდა მოხდეს აკადემიის კანცლერისა და აკადემიის ხარისხის სამსახურის უფროსების დამტკიცება;

5. აკადემიის მმართველობითი ორგანოებისა და თანამდებობის პირების: აკადემიური პერსონალის, წარმომადგენლობითი საბჭოს, აკადემიური საბჭოს, რექტორის, კანცლერის, ხარისხის სამსახურის უფროსის, ფაკულტეტების დეკანების, ასევე მათი მოვალეობის შემსრულებლების უფლებამოსილება გრძელდება ამ მუხლის 1-4 პუნქტებით გათვალისწინებული პროცედურების დასრულებამდე;

6. ამ წესდების დამტკიცებამდე, აკადემიაში დაკავებულ თანამდებობზე არ ვრცელდება „უმაღლესი განათლების შესახებ“ საქართველოს კანონის მე-20 მუხლის მე-3 პუნქტით, 22-ე მუხლის მე-3 პუნქტით, 23-ე მუხლის 1-ლი პუნქტით, 29-ე მუხლის 1-ლი პუნქტით და ამ წესდების მე-6 მუხლის მე-4 პუნქტით, მე-9 მუხლის მე-5 პუნქტით, მე-13 მუხლის მე-4 პუნქტით და მე-18 მუხლის 1-ლი პუნქტით დაწესებული შეზღუდვები;

7. ამ მუხლის პირველი პუნქტით გათვალისწინებული კონკურსის შედეგების დამტკიცებამდე აკადემიურ თანამდებობაზე არჩეული სრული პროფესორი ჩაითვალოს ამ წესდებით გათვალისწინებულ პროფესორად;

8. ამ მუხლის პირველი პუნქტით გათვალისწინებული კონკურსის შედეგების დამტკიცებამდე, აკადემიურ თანამდებობაზე არჩეულ მოქმედ ასისტენტ-პროფესორზე, არ ვრცელდება ასისტენტ-პროფესორისათვის ამ წესდებით დადგენილი მოთხოვნები.“,