სახელმწიფო საკუთრებაში არსებული უძრავი ქონების ერთობლივი საქმიანობის ამხანაგობა „ჩვენი ეზოსათვის“ პირდაპირი მიყიდვის ფორმით პრივატიზების შესახებ

საქართველოს მთავრობის

განკარგულება №845

2014  წლის 13 მაისი  

ქ. თბილისი

სახელმწიფო საკუთრებაში არსებული უძრავი ქონების ერთობლივი საქმიანობის ამხანაგობა „ჩვენი ეზოსათვის“ პირდაპირი მიყიდვის ფორმით პრივატიზების შესახებ

1. „სახელმწიფო ქონების შესახებ“ საქართველოს კანონის მე-18 მუხლის მე-3 პუნქტის შესაბამისად, სახელმწიფო საკუთრებაში არსებული, ქ. თბილისში, აგლაძის ქ. №26-ში, 1-ელ კორპუსში მდებარე 335.96 კვ.მ ფართობის ნახევარსარდაფი (მიწის (უძრავი ქონების) საკადასტრო კოდი: 01.13.05.009.005.01.500) პირდაპირი მიყიდვის ფორმით, 500 000 (ხუთასი ათასი) ლარად, საკუთრებაში გადაეცეს ერთობლივი საქმიანობის ამხანაგობა „ჩვენ ეზოს“.

2. საპრივატიზებო პირობად განისაზღვროს საპრივატიზებო თანხის გადახდა შესაბამისი ხელშეკრულების გაფორმებიდან 2 (ორი) თვის ვადაში.

3. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი                                   ი. ღარიბაშვილი