„საქართველოს სპორტისა და ახალგაზრდობის საქმეთა სამინისტროს მიერ გასაფორმებელი საგრანტო ხელშეკრულების პროექტის მოწონებისა და გრანტების გაცემაზე თანხმობის მიცემის შესახებ“ საქართველოს მთავრობის 2014 წლის 4 მარტის №344 განკარგულებაში ცვლილების შეტანისა და „საქართველოს სპორტისა და ახალგაზრდობის საქმეთა სამინისტროსა და ა(ა)იპ – საერთაშორისო საქველმოქმედო ფონდ „ქართუს“ (ს/ნ 204874421) შორის 2014 წლის 4 მარტის საგრანტო ხელშეკრულებაში ცვლილებებისა და დამატებების შეტანის შესახებ“ შეთანხმების პროექტის მოწონების თაობაზე

საქართველოს მთავრობის

განკარგულება  №788 

2014    წლის   6   მაისი  

ქ. თბილისი

„საქართველოს სპორტისა და ახალგაზრდობის საქმეთა სამინისტროს მიერ გასაფორმებელი საგრანტო ხელშეკრულების პროექტის მოწონებისა და გრანტების გაცემაზე თანხმობის მიცემის შესახებ“ საქართველოს მთავრობის 2014 წლის 4 მარტის №344 განკარგულებაში ცვლილების შეტანისა და „საქართველოს სპორტისა და ახალგაზრდობის საქმეთა სამინისტროსა და ა(ა)იპ – საერთაშორისო საქველმოქმედო ფონდ „ქართუს“ (ს/ნ 204874421) შორის 2014 წლის 4 მარტის საგრანტო ხელშეკრულებაში ცვლილებებისა და დამატებების შეტანის შესახებ“ შეთანხმების პროექტის მოწონების თაობაზე

    1. საქართველოს ზოგადი ადმინისტრაციული კოდექსის 63-ე მუხლის შესაბამისად, „საქართველოს სპორტისა და ახალგაზრდობის საქმეთა სამინისტროს მიერ გასაფორმებელი საგრანტო ხელშეკრულების პროექტის მოწონებისა და გრანტების გაცემაზე თანხმობის მიცემის შესახებ“ საქართველოს მთავრობის 2014 წლის 4 მარტის №344 განკარგულებაში შეტანილ იქნეს ცვლილება და განკარგულებას დაემატოს შემდეგი შინაარსის მე-3 პუნქტი:

    „3. „სახელმწიფო შეს­ყიდვების შესახებ“ საქართველოს კა­ნო­­ნის 10¹ მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიებების შეზღუდულ ვადებში შეუფერხებლად ჩატარების მიზნით, ამ განკარგულების პირველი პუნქტის „ბ“ ქვეპუნქტის საფუძველზე, სპორტული ორგანიზაციებისათვის გაცემული გრანტის ფარგლებში შესაბამისი ღონისძიებების განსახორციელებლად საჭირო სახელმწიფო შესყიდვები განხორციელდეს გამარტივებული შესყიდვის საშუალებით.“.

    2. „აღმასრულებელი ხელისუფლების შესაბამისი დაწესებულებებისა და სახელმწიფო კონტროლს დაქვემდებარებული საჯარო სამართლის იურიდიული პირების მიერ გრანტებთან დაკავშირებით გასატარებელ ღონისძიებათა შესახებ“ საქართველოს მთავრობის 2011 წლის 14 მარტის №126 დადგენილების თანახმად, მოწონებულ იქნეს „საქართველოს სპორტისა და ახალგაზრდობის საქმეთა სამინისტროსა და ა(ა)იპ – საერთაშორისო საქველმოქმედო ფონდ „ქართუს“ (ს/ნ 204874421) შორის 2014 წლის 4 მარტის საგრანტო ხელშეკრულებაში ცვლილებებისა და დამატებების შეტანის შესახებ“  შეთანხმების პროექტი. 

პრემიერ-მინისტრი                         ირაკლი ღარიბაშვილი