დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | მესტიაში ტურიზმის განვითარების მიზნით ზოგიერთი ღონისძიების განხორციელების თაობაზე | |
|---|---|
| დოკუმენტის ნომერი | 2601 |
| დოკუმენტის მიმღები | საქართველოს მთავრობა |
| მიღების თარიღი | 29/12/2011 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | გამოუქვეყნებელი, 0, 29/12/2011 |
| სარეგისტრაციო კოდი | 000000000.00(0).000.000000 |
საქართველოს მთავრობის
განკარგულება №2601
2011 წლის 29 დეკემბერი
ქ. თბილისი
მესტიაში ტურიზმის განვითარების მიზნით ზოგიერთი ღონისძიების განხორციელების თაობაზე
1. საქართველოს ფინანსთა სამინისტრომ „საქართველოს 2011 წლის სახელმწიფო ბიუჯეტის შესახებ“ საქართველოს კანონის მე-18 მუხლის მე-2 პუნქტით გათვალისწინებული საქართველოს რეგიონებში განსახორციელებელი პროექტების ფონდიდან შპს „MESTIA RESORTS“‑ს გადაურიცხოს 472 000 (ოთხას სამოცდათორმეტი ათასი) ლარი ჰაწვალი‑ზურულდის სათხილამურო ტრასის გასანათებელი საშუალებების შეძენის და მათი საექსპლუატაციო‑ტექნიკური პირობების გაუმჯობესების, ასევე ამ სამუშაოების განხორციელებისათვის აუცილებელი გზების მიყვანის ხარჯების დაფინანსების მიზნით.
2. ეთხოვოს მესტიის მუნიციპალიტეტს ამ განკარგულების პირველი პუნქტით გამოყოფილი 472 000 (ოთხას სამოცდათორმეტი ათასი) ლარით გაზარდოს შპს „MESTIA RESORTS“‑ის კაპიტალი.
3. „სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად, ამ განკარგულების პირველი პუნქტით გათვალისწინებულ ღონისძიებებთან დაკავშირებული სახელმწიფო შესყიდვები შპს „MESTIA RESORTS“-მა განახორციელოს გამარტივებული შესყიდვის საშუალებით.
4. საქართველოს ფინანსთა სამინისტრომ შპს „MESTIA RESORTS“‑ისათვის გადარიცხული თანხა ასახოს, როგორც მესტიის მუნიციპალიტეტისათვის გადარიცხული ტრანსფერი .
პრემიერ ‑მინისტრი ნ . გილაური
დოკუმენტის კომენტარები