დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | გუდაურის სარეკრეაციო ტერიტორიაზე ინფრასტრუქტურის განვითარების მიზნით სახელმწიფო შესყიდვის გამარტივებული შესყიდვის საშუალებით განხორციელების შესახებ | |
|---|---|
| დოკუმენტის ნომერი | 2342 |
| დოკუმენტის მიმღები | საქართველოს მთავრობა |
| მიღების თარიღი | 01/12/2011 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | გამოუქვეყნებელი, 0, 01/12/2011 |
| სარეგისტრაციო კოდი | 000000000.00(0).000.000000 |
საქართველოს მთავრობის
განკარგულება №2342
2011 წლის 1 დეკემბერი
ქ. თბილისი
გუდაურის სარეკრეაციო ტერიტორიაზე ინფრასტრუქტურის განვითარების მიზნით სახელმწიფო შესყიდვის გამარტივებული შესყიდვის საშუალებით განხორციელების შესახებ
1. „სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად, ქ. თბილისის თვითმმართველი ერთეულისა და საზოგადოებრივი ინტერესების გათვალისწინებით, ქ. თბილისის მერიის სსიპ – გუდაურის განვითარების ფონდმა განახორციელოს ქ. თბილისში, ვარკეთილი-2-ის საცხოვრებელ რაიონში 32758,00 კვ.მ მიწის ნაკვეთზე (მიწის (უძრავი ქონების) საკადასტრო კოდი: 01.19.37.012.001) არსებული ანგარის დემონტაჟთან, მისი გუდაურის სარეკრეაციო ტერიტორიაზე ტრანსპორტირებასა და მონტაჟთან, ყინულის მოედნის, ხის შენობა-ნაგებობების, მსუბუქი კონსტრუქციის დროებითი ნაგებობების შეძენასა და მონტაჟთან დაკავშირებული სამუშაოების, ელექტრონული ნაწილების მარაგის, საბაგიროების გაშვების სისტემისათვის მარკეტინგული სერვისის, ასევე სასტუმროს მშენებლობის საპროექტო სამუშაოების მომსახურების სახელმწიფო შესყიდვა, გამარტივებული შესყიდვის საშუალებით.
2. სახელმწიფო შესყიდვა განხორციელდეს 2011 წლის ქ. თბილისის ადგილობრივი ბიუჯეტით ქ. თბილისის მერიის სსიპ – გუდაურის განვითარების ფონდისათვის გამოყოფილ ასიგნებათა ფარგლებში.
3. ქ. თბილისის მერიის სსიპ – გუდაურის განვითარების ფონდმა ამ განკარგულების პირველი პუნქტით განსაზღვრული სახელმწიფო შესყიდვა განახორციელოს საავანსო თანხასთან დაკავშირებული საბანკო გარანტიის გარეშე.
პრემიერ-მინისტრი ნ. გილაური
დოკუმენტის კომენტარები