წითელი ხიდი-თბილისი-სამტრედია-გრიგოლეთი-სარფის მიმართულებაზე ჩქაროსნული ავტომაგისტრალის პერსპექტიული განვითარების განთვისების ზოლში და საქართველოს საზღვრისპირა ტერიტორიებზე მომსახურების კომპლექსებისა და დასვენების ადგილების განთავსების ღონისძიებათა შესახებ

საქართველოს მთავრობის

განკარგულება №289

2011 წლის 14 თებერვალი

ქ. თბილისი

წითელი ხიდი-თბილისი-სამტრედია-გრიგოლეთი-სარფის მიმართულებაზე ჩქაროსნული ავტომაგისტრალის პერსპექტიული განვითარების განთვისების ზოლში და საქართველოს საზღვრისპირა ტერიტორიებზე მომსახურების კომპლექსებისა და დასვენების ადგილების განთავსების ღონისძიებათა შესახებ

„ ჩქაროსნული ავტომაგისტრალის (E-60) გორის უღელტეხილის მიმდებარე ტერიტორიაზე და სხვა საერთაშორისო მნიშვნელობის საავტომობილო (ჩქაროსნულ ავტომაგისტრალებზე) გზების მიმდებარე ტერიტორიებზე ინფრასტრუქტურის ობიექტების განთავსების მიზნით განსახორციელებელ ღონისძიებათა შესახებ“ საქართველოს მთავრობის 2010 წლის 27 იანვრის N108 განკარგულების მე-3 პუნქტის საფუძველზე, საერთაშორისო მნიშვნელობის საავტომობილო გზების მიმდებარე ტერიტორიებზე დასვენებისა და სხვადასხვა სახის მომსახურების ობიექტების (დასასვენებელი ადგილები, საზოგადოებრივი კვებისა და სავაჭრო ობიექტები, ტექმომსახურებისა და ავტოგასამართი სადგურები) ოპტიმალური განლაგების სქემის, წითელი ხიდი-თბილისი-სამტრედია-გრიგოლეთი-სარფის მიმართულებაზე ჩქაროსნული ავტომაგისტრალის პერსპექტიული განვითარების განთვისების ზოლში და საქართველოს საზღვრისპირა ტერიტორიებზე მომსახურების კომპლექსებისა და დასვენების ადგილების განთავსების უზრუნველსაყოფად:

1. დამტკიცდეს საქართველოს რეგიონული განვითარებისა და ინფრასტრუქტურის სამინისტროს მიერ წარმოდგენილი, წითელი ხიდი-თბილისი-სამტრედია-გრიგოლეთი-სარფის მიმართულებაზე ჩქაროსნული ავტომაგისტრალის პერსპექტიული განვითარების განთვისების ზოლში და საქართველოს საზღვრისპირა ტერიტორიებზე მომსახურების კომპლექსებისა და დასვენების ადგილების განლაგების სქემა.

2. წითელი ხიდი-თბილისი-სამტრედია-გრიგოლეთი-სარფის მიმართულებაზე ჩქაროსნული ავტომაგისტრალის პერსპექტიული განვითარების განთვისების ზოლში და საქართველოს საზღვრისპირა ტერიტორიებზე მომსახურების კომპლექსები და დასვენების ადგილები განთავსდეს თანდართული სქემის მიხედვით. სქემის ექსპლიკაცია თან ერთვის (დანართი). მასში ფუნქციონალური დანიშნულებისა და ადგილმდებარეობის შეცვლა დასაშვებია მხოლოდ საქართველოს მთავრობასთან შეთანხმებით.

3. წითელი ხიდი-თბილისი-სამტრედია-გრიგოლეთი-სარფის მიმართულებაზე ჩქაროსნული ავტომაგისტრალის პერსპექტიული განვითარების განთვისების ზოლში არ იქნეს განთავსებული მომსახურების კომპლექსები (დასვენების ადგილები, ავტოტექმომსახურებისა და ავტოგასამართი სადგურები, სასტუმროები, სავაჭრო და კვების ობიექტები) ან ცალკეული ობიექტები, გარდა ამ განკარგულების მე-2 პუნქტით განსაზღვრული ობიექტებისა.

პრემიერ-მინისტრი                                 ნ. გილაური

დანართი

წითელი ხიდი-თბილისი-სამტრედია-გრიგოლეთი-სარფის მიმართულებაზე ჩქაროსნული ავტომაგისტრალის პერსპექტიული განვითარების ზოლში და საქართველოს საზღვრისპირა ტერიტორიებზე მომსახურების კომპლექსების განლაგების სქემის ექსპლიკაცია