საქართველოს კულტურის, ძეგლთა დაცვისა და სპორტის მინისტრის 2010 წლის 2 ივნისის N3/87 ბრძანების დანართი N1-ში და დანართი N2-ში ცვლილების შეტანის თაობაზე

საქართველოს კულტურისა და ძეგლთა დაცვის

მინისტრის

ბრძანება №03/103

2014 წლის 7 მაისი

ქ. თბილისი

საქართველოს კულტურის, ძეგლთა დაცვისა და სპორტის მინისტრის 2010 წლის 2 ივნისის №3/87 ბრძანების დანართი №1-ში და დანართი №2-ში ცვლილების შეტანის თაობაზე

 „საქართველოს ზოგადი ადმინისტრაციული კოდექსის” 63-ე მუხლის თანახმად,  ვბრძანებ:

 1. ქალაქ ბორჯომში კულტურული მემკვიდრეობის თვალსაზრისით ღირებული ობიექტებისათვის კულტურული მემკვიდრეობის უძრავი ძეგლის სტატუსის მინიჭების თაობაზე საქართველოს კულტურის, ძეგლთა დაცვისა და სპორტის მინისტრის 2010 წლის 2 ივნისის №3/87 ბრძანების დანართი №1 და დანართი №2-ში შეტანილ იქნეს შემდეგი სახის ცვლილება.
     ა) დანართი № 1-ში შეტანილი რიგითი ნომერი 18 – „ქ. ბორჯომი, გურამიშვილის ქუჩა”, ჩამოყალიბდეს შემდეგი რედაქციით – „ქ. ბორჯომი, გამსახურდიას ქ. №17”, შესაბამისად, ამავე ბრძანების დანართი № 2-ში, კულტურული მემკვიდრეობის ობიექტის/ ძეგლის სააღრიცხვო ბარათში შეტანილ იქნეს შემდეგი სახის ცვლილება: „ქ. ბორჯომი, გურამიშვილის ქუჩა”, შეიცვალოს შემდეგი რედაქციით – „ქ. ბორჯომი, გამსახურდიას ქ. №17” და ჩამოყალიბდეს ამ ბრძანების დანართის შესაბამისად.

2. დაევალოს კულტურული მემკვიდრეობის სტრატეგიის, ორგანიზაციების კოორდინაციისა და ნებართვების დეპარტამენტს ამ ბრძანების ამოქმედებიდან 1 თვის ვადაში, ბრძანების პირველ პუნქტში მითითებული ობიექტის მონაცემების სამინისტროს ინტერნეტგვერდზე ასახვა.
    3. ბრძანება ამოქმედდეს გამოქვეყნებისთანავე.

     ბრძანება შეიძლება გასაჩივრდეს გამოქვეყნებიდან ერთი თვის ვადაში საქართველოს მთავრობაში (მისამართი: ქ. თბილისი, პავლე ინგოროყვას ქ. №7).

მ. ოდიშარია

დანართი