,,სკოლამდელი აღზრდის დაწესებულებების ერთიანი სასწავლო-აღმზრდელობითი სისტემის მოქმედების წესებისა და სამუშაო რეჟიმის დებულების დამტკიცების შესახებ” გორის მუნიციპალიტეტის საკრებულოს 2013 წლის 13 სექტემბრის N39 დადგენილებაში ცვლილების შეტანის შესახებ

ა) დადგენილებით დამტკიცებულ დებულებას დაემატოს შემდეგი შინაარსის 3¹ მუხლი:

„3¹ მუხლი.    საბავშვო ბაგა-ბაღის დირექტორის უფლება-მოვალეობები

 საბავშვო ბაგა-ბაღის დირექტორი:

ა) მოქმედებს ბაღის სახელით და წარმოადგენს მას მესამე პირებთან ურთიერთობისას;

ბ) განსაზღვრავს ბაღის საკადრო პოლიტიკას, ამტკიცებს საშტატო განრიგს საკრებულოს თავმჯდომარესთან შეთანხმებით;

გ) უზრუნველყოფს თანამშრომლების კვალიფიკაციის სისტემატურ ამაღლებას;

დ) უზრუნველყოფს საბავშვო ბაგა-ბაღს მატერიალურ-ტექნიკური ბაზით, სათამაშოებით, წიგნებით და სხვა საჭირო მასალით;

ე) პასუხს აგებს საბავშვო ბაგა-ბაღის გამართულ ფუნქციონირებაზე, მათ შორის, რაიმე მიზეზით  საბავშვო ბაგა-ბაღის ფუნქციონირების პარალიზების შემთხვევაში ვალდებულია აცნობოს გორის მუნიციპალიტეტის გამგეობის განათლების, კულტურის, სპორტისა და ახალგაზრდულ საქმეთა სამსახურს;  

ვ) პასუხს აგებს ფინანსური და მატერიალური სახსრების სწორ ხარჯვაზე, დამტკიცებული ხარჯთაღრიცხვისა და ფულადი სახსრების, მატერიალური ქონებისა და პროდუქტების ხარჯვის ანგარიშების სწორად წარმოებაზე;

ზ) ადგენს საბავშვო ბაგა-ბაღის მუშაობის წლიურ გეგმას და უზრუნველყოფს მის შესრულებას;

თ) აწარმოებს ბავშვების ჩარიცხვას, გადანაწილებას შესაბამის ასაკობრივ ჯგუფებში და მათ გადაყვანას. იღებს ზომებს საბავშვო ბაღის კონტინგენტის ასათვისებლად;

ი) ქმნის აუცილებელ პირობებს ბავშვების ჯანმრთელობისა და  უსაფრთხოების უზრუნველსაყოფად;

კ) უზრუნველყოფს სანიტარიულ-ჰიგიენური წესების, ხანძრის საწინააღმდეგო ღონისძიებებისა და ბავშვების სიცოცხლის დაცვის სხვა პირობების შესრულებას;

ლ) მონაწილეობს საგანმანათლებლო-სააღმზრდელო პროგრამის შემუშავებაში, აკონტროლებს მის სრულყოფილ დანერგვას ჯგუფებში დასწრებით, პედაგოგიურ თათბირებზე ისმენს ანგარიშებს;

მ) პასუხს აგებს აღსაზრდელთა სიცოცხლისა და ჯანმრთელობის, აგრეთვე კანონმდებლობით დადგენილი საყოფაცხოვრებო და სანიტარიული პირობების დაცვაზე, კვების ორგანიზაციაზე,  მათ შორის   უზრუნველყოფს კვების მენიუს თვალსაჩინო ადგილზე განთავსებას;

ნ) შრომითი საქმიანობის დასარეგულირებლად ამტკიცებს საბავშვო ბაგა-ბაღის შინაგანაწესს; თავისი უფლებამოსილების ფარგლებში გამოსცემს ბრძანებებს;

ო) უზრუნველყოფს კონსტიტუციით მინიჭებული უფლებების დაცვას, თანამშრომლის ღირსების პატივისცემას;

პ) ვალდებულია პერიოდულად გააცნოს მშობლებს საბავშვო ბაგა-ბაღში მიმდინარე მოვლენებთან დაკავშირებული ინფორმაცია“.

ბ) დადგენილებით დამტკიცებული დებულების მე-6 მუხლის მეორე პუნქტს დაემატოს შემდეგი შინაარსის ,,ტ“ და ,,უ“ ქვეპუნქტები:

,,ტ) ცეკვის მასწავლებელი“;

,,უ) უცხო ენის მასწავლებელი“.