საქართველოს შრომის, ჯანმრთელობისა და სოციალური დაცვის სამინისტროს მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ

საქართველოს მთავრობის

განკარგულება №2276

2011 წლის 24 ნოემბერი

  ქ. თბილისი

საქართველოს შრომის, ჯანმრთელობისა და სოციალური დაცვის სამინისტროს მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ

  1. „სახელმწიფო შესყიდვების შესახებ“ საქართველოს კანონის 10¹ მუხ­ლის მე‑3 პუნქტის „დ“ ქვეპუნქტის შესაბამისად, სახელმწიფოებრივი და სა­ზოგადოებრივი მნიშვნელობის ღონისძიებათა შეზღუდულ ვადებში შეუ­ფერ­ხებლად ჩატარების მიზნით, საქართველოს შრომის, ჯანმრთელობისა და სო­ციალური დაცვის სამინისტრომ დედათა და ბავშვთა სამედიცინო მომ­სახურებისა და განათლების სფეროებში ბოლო 5 წელიწადში გატარე­ბული რეფორმების შედეგად არსებულ სერვისებზე 2011 წლის 17 ნოემბრიდან სა­ზო­გადოების ინფორმირებისათვის სარეკლამო ტელეპროდუქციის (სა­რე­კლა­მო რგოლი) დამზადების შესყიდვა განახორციელოს გამარტი­ვებუ­ლი შეს­ყიდვის საშუალებით (35 01 ორგანიზაციული კოდის ფარგლებში).

2. საქართველოს შრომის, ჯანმრთელობისა და სოციალური დაცვის სამინისტრომ უზრუნველყოს ამ განკარგულების პირველი პუნქტის შესრუ­ლებისათვის საჭირო ღონისძიებათა განხორციელება.

3. განკარგულება ძალაშია 2011 წლის 15 ნოემბრიდან.     

პრემიერ‑მინისტრი                                                     ნიკა გილაური