შპს „კავკასიის სამთო ჯგუფისათვის“ სახელმწიფო ტყის ფონდით სპეციალური დანიშნულებით სარგებლობის ვადის განსაზღვრის შესახებ

  საქართველოს მთავრობის

განკარგულება №719

2014 წლის 23 აპრილი

ქ. თბილისი

შპს „კავკასიის სამთო ჯგუფისათვის“ სახელმწიფო ტყის ფონდით სპეციალური დანიშნულებით სარგებლობის ვადის განსაზღვრის შესახებ

 საქართველოს ტყის კოდექსის 52-ე მუხლის, „ტყითსარგებლობის წესის დამტკიცების შესახებ“ საქართველოს მთავრობის 2010 წლის 20 აგვისტოს №242 დადგენილებით დამტკიცებული წესის 27¹ მუხლის პირველი პუნქტისა და „ტყითსარგებლობის წესის დამტკიცების შესახებ“ საქართველოს მთავრობის 2010 წლის 20 აგვისტოს №242 დადგენილებაში ცვლილების შეტანის თაობაზე“ საქართველოს მთავრობის 2013 წლის 29 ნოემბრის №302 დადგენილების მე-2 მუხლის მე-4 და მე-5 პუნქტების შესაბამისად:

1. წიაღის შესწავლა/მოპოვებისა და აღნიშნული საქმიანობისათვის საჭირო მოსამზადებელი სამუშაოების (მისასვლელი დამხმარე გზების რეკონსტრუქცია, საბურღი მოედნების მოწყობა და სხვ.) განსახორციელებლად, შპს „კავკასიის სამთო ჯგუფს“ საქართველოს გარემოსა და ბუნებრივი რესურსების დაცვის სამინისტროს სსიპ – ეროვნული სატყეო სააგენტოს მართვას დაქვემდებარებულ ბოლნისისა და წალკა-თეთრიწყაროს სატყეო უბნებში 2839044 კვ.მ მიწის ფართობით სპეციალური დანიშნულებით სარგებლობის (ხე-მცენარეების მოჭრის უფლებით) ვადა განესაზღვროს 2016 წლის პირველ ოქტომბრამდე.

2. შპს „კავკასიის სამთო ჯგუფი“ ვალდებულია ამ განკარგულების ძალაში შესვლიდან სამი თვის ვადაში სსიპ – ეროვნულ სატყეო სააგენტოს შესათანხმებლად წარუდგინოს სპე­ციალური ტყითსარგებლობის  შედეგად ბიომრავალფეროვნებისათვის მი­ყე­ნებული ზემოქმედების საკომპენსაციო ქმედებების პაკეტი.

პრემიერ-მინისტრი                                   ირაკლი ღარიბაშვილი