დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | შპს „მარაბდა-კარწახის რკინიგზის“ სასარგებლო წიაღისეულის მოპოვების ლიცენზიისგან გათავისუფლების თაობაზე | |
|---|---|
| დოკუმენტის ნომერი | 750 |
| დოკუმენტის მიმღები | საქართველოს მთავრობა |
| მიღების თარიღი | 01/05/2014 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | ვებგვერდი, 08/05/2014 |
| სარეგისტრაციო კოდი | 000000000.00.003.017070 |
საქართველოს მთავრობის
განკარგულება №750
2014 წლის 1 მაისი
ქ. თბილისი
შპს „მარაბდა-კარწახის რკინიგზის“ სასარგებლო წიაღისეულის მოპოვების ლიცენზიისგან გათავისუფლების თაობაზე
1. „სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს № 136 დადგენილებით დამტკიცებული დებულების 74 მუხლის საფუძველზე, სახელმწიფოებრივი და საზოგადოებრივი ინტერესების გათვალისწინებით, ბაქო-თბილისი-ყარსის სარკინიგზო ხაზის მშენებლობის პროექტის შეუფერხებლად განხორციელების მიზნით, მიმდინარე სამშენებლო სამუშაოების შემჭიდროვებულ ვადებში დასრულების უზრუნველსაყოფად, შპს „მარაბდა-კარწახის რკინიგზა“ გათავისუფლდეს სასარგებლო წიაღისეულის მოპოვების ლიცენზიისაგან სამი თვის ვადით და მიეცეს უფლება, მოიპოვოს 400 000 (ოთხასი ათასი) მ3 საშენი მასალა ( ანდეზიტო-ბაზალტი ს ღორღი) ახალქალაქის მუნიციპალიტეტის სოფ. მურჯახეთის მიმდებარე ტერიტორიაზე, შემდეგი X და Y კოორდინატების საზღვრებში:
| № | X | Y |
| 1 | 372780 | 4579011 |
| 2 | 372933 | 4579003 |
| 3 | 373066 | 4578949 |
| 4 | 373131 | 4578753 |
| 5 | 373208 | 4578593 |
| 6 | 373177 | 4578444 |
| 7 | 373193 | 4578335 |
| 8 | 373111 | 4578333 |
| 9 | 373064 | 4578420 |
| 10 | 373108 | 4578554 |
| 11 | 373103 | 4578652 |
| 12 | 373036 | 4578810 |
| 13 | 372961 | 4578838 |
| 14 | 372879 | 4578838 |
| 15 | 372842 | 4578820 |
| 16 | 372777 | 4578885 |
| 17 | 372765 | 4578954 |
| S= 9,26 ჰა | ||
| WGS 1984. | ||
2. შპს „მარაბდა-კარწახის რკინიგზამ“ უზრუნველყოს საქართველოს გარემოსა და ბუნებრივი რესურსების დაცვის სამინისტროს სსიპ - გარემოს ეროვნული სააგენტოს შესაბამისი დასკვნით (გეოსაინფორმაციო პაკეტი) განსაზღვრული პირობების შესრულება.
3. შპს „მარაბდა-კარწახის რკინიგზა“ ვალდებულია:
ა) მოპოვებული სასარგებლო წიაღისეული გამოიყენოს მხოლოდ სამშენებლო პროექტით გათვალისწინებული მიზნებისათვის;
ბ) სასარგებლო წიაღისეულის მოპოვების ლიცენზიისაგან გათავისუფლებისათვის უზრუნველყოს საქართველოს სახელმწიფო ბიუჯეტში 10 000 (ათი ათასი) ლარის გადახდა, ამ განკარგულების ძალაში შესვლიდან ერთი თვის ვადაში;
გ) სასარგებლო წიაღისეულის მოპოვების ვადის გასვლიდან ორი კვირის ვადაში, საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებაში - გარემოსდაცვითი ზედამხედველობის დეპარტამენტში წარადგინოს ინფორმაცია ამ განკარგულების საფუძველზე მოპოვებული ბუნებრივი რესურსის ოდენობის შესახებ.
4. შპს „მარაბდა-კარწახის რკინიგზის“ მიერ ლიცენზიისგან გათავისუფლების საფუძველზე მოპოვებული სასარგებლო წიაღისეულის მიზნობრივად გამოყენების ზედამხედველობა განახორციელოს საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებამ - გარემოსდაცვითი ზედამხედველობის დეპარტამენტმა.
პრემიერ-მინისტრი ი . ღარიბაშვილი
დოკუმენტის კომენტარები