„საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს დებულების დამტკიცების შესახებ“ საქართველოს მთავრობის 2008 წლის 22 თებერვლის №34 დადგენილებაში ცვლილების შეტანის თაობაზე

1. მე-7 მუხლის პირველი პუნქტის „ბ“ ქვეპუნქტი ამოღებულ იქნეს.

2. მე-7 მუხლის პირველი პუნქტის „თ“ ქვეპუნქტი ჩამოყალიბდეს შემდეგი რედაქციით:

„თ) სახელმწიფოს ან თვითმმართველი ერთეულის საკუთრებაში არსებული ფართობების სარეგისტრაციო დოკუმენტაციის, მათ შორის, შიდა აზომვითი ნახაზების მომზადება და კომპეტენციის ფარგლებში კანონმდებლობით გათვალისწინებული ღონისძიებების გატარება მათი დევნილთათვის საკუთრებაში გადაცემის მიზნით;“.

3. მე-7 მუხლის პირველი პუნქტის „ფ“ ქვეპუნქტი ჩამოყალიბდეს შემდეგი რედაქციით:

„ფ) მართლზომიერ მფლობელობაში გადაცემული საცხოვრებელი ფართობების (ყოფილი დევნილთა კომპაქტურად განსახლების ობიექტების) რეაბილიტაციის ღონისძიებათა დაგეგმვა და განხორციელების ორგანიზება;“.

4. მე-7 მუხლის მე-13 პუნქტის „თ“ ქვეპუნქტი ჩამოყალიბდეს შემდეგი რედაქციით:

„თ) სახარჯთაღრიცხვო დოკუმენტაციის შედგენა მცირე მოცულობის (10 000 ლარამდე) სამშენებლო-სარემონტო სამუშაოებზე, რომლებიც არ საჭიროებს პროექტის მუშა ნახაზების შედგენას და შესაძლებელია განხორციელდეს აზომვითი სამუშაოების საფუძველზე მომზადებული შესაბამისი აქტის მიხედვით;“.