სახელმწიფო საკუთრებაში არსებული უძრავი ქონების შპს „Georgian Invest International Company“-სათვის იჯარის ფორმით გადაცემის თაობაზე თანხმობის მიცემის შესახებ

საქართველოს მთავრობის

განკარგულება №2517

2011 წლის 21 დეკემბერი

ქ. თბილისი

სახელმწიფო საკუთრებაში არსებული უძრავი ქონების შპს „Georgian Invest International Company“-სათვის იჯარის ფორმით გადაცემის თაობაზე თანხმობის მიცემის შესახებ

1. „სახელმწიფო ქონების შესახებ“ საქართველოს კანონის 36-ე მუხ­ლის მე-2 პუნქტის შესაბამისად, მიეცეს თანხმობა საქართველოს ეკო­ნომიკისა და მდგრადი განვითარების სამინისტროს, რომ შპს „Georgian Invest International Company“-ს (საიდენტიფიკაციო კოდი – №404909015) იჯარის ფორმით გადასცეს ქობულეთში, სოფელ ციხის­ძირში მდებარე 32179 კვ.მ არასასოფლო-სამეურნეო დანიშნულების მიწის ნაკვეთი (მიწის (უძრავი ქონების) საკადასტრო კოდი –№20.46.01.446) ხელშეკრულების გაფორმებიდან 49 წლის ვადით, წლი­ური საიჯარო ქირით, სიმბოლურ ფასად, 1 (ერთი) ლარად.

2. საიჯარო პირობებად განისაზღვროს:

ა) ამ განკარგულების პირველი პუნქტით გადაცემულ ქონებაზე 2012 წლის 15 ივლისამდე ჩრდილოეთის კედლის აღ­დგენა, ისტო ­რიულ ობიექტებთან მისასვლელი ბილიკის მშენებლობა, ძეგლის და ­ზიანებული ნაწილების გამაგრება-რეაბილიტაცია, ტერი­ტო­რიის სრუ ­ლი განათების სისტემის მოწყობა თანამედროვე ტიპის განათების სი ­ს ­ტემებით, პარკინგის მოწყობა, ტერიტორიაზე მისას­ვლე­ლი ადგი ­ლის მშენებლობა, სალარო გაყიდვის ჯიხურის მშენებ­ლობა;

ბ) ამ განკარგულების პირველი პუნქტით გადაცემულ ქონებაზე 2012 წლის 31 დეკემბრამდე მუზეუმისა და კვების ობიექტის აშენება;

გ) ამ განკარგულების მე-2 პუნქტის „ა“ და „ბ“ ქვეპუქტებით გათ­ვალისწინებული ვალდებულებების შესრულების მიზნით არანაკლებ 500 000 (ხუთასი ათასი) ლარის ინვესტიციის განხორციელება.

3. შესაბამისი ხელშეკრულების გაფორმებამდე მოიჯარემ უზ­რუ­ნ­ველყოს ამ განკარგუ­ლე­ბის მე-2 პუნქტის „ა“ და „ბ“ ქვეპუნქტებით გა­თვალისწინებული პი­რო­ბების შეს­რუ­ლების უზრუნველსაყოფად განსახორციელებელი ინ­ვეს­ტიციის არა­ნაკლებ 10%-ის უპირობო და გა­მოუხმობი საბანკო გა­რანტიის წარ­დგენა, რომლის ვადაც საინვეს­ტიციო ვალდებულების შე­სრულების ვადას უნდა აღემატებოდეს ორი თვით.

4. მოიჯარე ვალდებულია, ამ განკარგულების პირველი პუნ­ქტით გადაცემულ ქონებაზე საქართველოს კულტურისა და ძეგლთა დაცვის სამინისტროსთან გააფორმოს ხელშეკრულება ძეგლის მოვლა-პატრო­ნობის შესახებ, ხოლო ძეგლზე, ან მის ტერიტორიაზე განხორ­ციელე­ბული სამუშაოები უნდა წარიმართოს შესაბამისი ნებართვის საფუძ­ველზე დამტკიცებული პროექტის ფარგლებში.

5. საქართველოს ეკონომიკისა და მდგრადი განვითარების სამი­ნისტრომ ამ განკარგულების შესრულების მიზნით განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი ნ . გილაური