საქართველოს ეკონომიკისა და მდგრადი განვითარების სამინისტროს, საქართველოს შრომის, ჯანმრთელობისა და სოციალური დაცვის სამინისტროსა და შპს „ჰოსპიტალების ოპერირების საერთაშორისო საწარმოს (IHOPE)“ შორის გასაფორმებელი ნასყიდობის ხელშეკრულების პროექტის მოწონებისა და შპს „ჰოსპიტალების ოპერირების საერთაშორისო საწარმოს (IHOPE)“ მიერ ცალკეული ვალდებულების შეუსრულებლობისთვის განსხვავებული პირობის დადგენის შესახებ

საქართველოს მთავრობის

განკარგულება №2148

2011 წლის 4 ნოემბერი

 ქ. თბილისი

საქართველოს ეკონომიკისა და მდგრადი განვითარების სამინისტროს, საქართველოს შრომის, ჯანმრთელობისა და სოციალური დაცვის სამინისტროსა და შპს „ჰოსპიტალების ოპერირების საერთაშორისო საწარმოს (IHOPE)“ შორის გასაფორმებელი ნასყიდობის ხელშეკრულების პროექტის მოწონებისა და შპს „ჰოსპიტალების ოპერირების საერთაშორისო საწარმოს (IHOPE)“ მიერ ცალკეული ვალდებულების შეუსრულებლობისთვის განსხვავებული პირობის დადგენის შესახებ

      1. მოწონებულ იქნეს საქართველოს ეკონომიკისა და მდგრადი განვითარების სამინისტროს, საქართველოს შრომის, ჯანმრთელო­ბისა და სოციალური დაცვის სამინისტროსა და შპს „ჰოსპიტალების ოპერი­რე­ბის საერთაშორისო საწარმოს (IHOPE)“ შორის გასაფორმებე­ლი ნას­ყიდობის ხელშეკრულების პროექტი.

      2. „სახელმწიფო ქონების პირდაპირი მიყიდვის ფორმით პრივა­ტიზების შესახებ დებულების დამტკიცების თაობაზე“ საქართველოს ეკონომიკისა და მდგრადი განვითარების მინისტრის 2010 წლის 16 სექტემბრის №1–1/1537 ბრძანებით დამტკიცებული დებულების მე-4 მუხ­ლის მე-6 პუნქტის „გ“ ქვეპუნქტის გათვალისწინებით, საქართვე­ლოს ეკონომიკისა და მდგრადი განვითარების სამინისტროს, საქართვე­ლოს შრომის, ჯანმრთელობისა და სოციალური დაცვის სამინის­ტროსა და შპს „ჰოსპიტალების ოპერირების საერთაშორისო საწარმოს (IHOPE)“ შო­რის საქართველოს პრეზიდენტის შესაბამისი განკარგუ­ლების საფუძ­ველზე გასაფორმებელი ნასყიდობის ხელშეკრულებით შპს „ჰოსპი­ტალების ოპერირების საერთაშორისო საწარმო (IHOPE)“-სათვის დასა­კისრებელი ვალდებულების, კერძოდ, შესაბამისი სახელ­მწიფო პროგ­რამების ფარგლებში გარდამავალი პერიოდის დასასრუ­ლიდან 7 წლის განმავლობაში, ხელშეკრულების №5 დანართით გან­საზ­ღვრული სპე­ცი­­ფიკური პირობების გათვალისწინებით და გეოგ­რა­ფიული ხელმი­სა­წვდომობის პრინციპის დაცვით, ბაზისური სამე­დი­ცინო სერვისების უწყვეტობის უზრუნველყოფის შეუსრულებლო­ბისათვის შპს „ჰოსპიტა­ლების ოპერირების საერთაშორისო საწარმოს (IHOPE)“ პასუხისმგებ­ლო­ბა განისაზღვროს ჯანმრთელობის დაცვის შესაბამისი სახელმწიფო პროგრამით გათვალისწინებული წესის შესაბამისად.

  3. განკარგულება ძალაშია „სახელმწიფო საკუთრებაში არსებუ­ლი ქონების შპს „ჰოსპიტალების ოპერირების საერთაშორისო საწარ­მო (IHOPE)“-სათვის პირდაპირი მიყიდვის ფორმით პრივატი­ზების თაო­ბაზე“ საქართველოს პრეზიდენტის შესაბამისი განკარგუ­ლების ძა­ლაში შესვლის დღიდან.

       პრემიერ-მინისტრი                                         ნიკა გილაური