დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | სამხრეთ კავკასიის მილსადენის კომპანია ლიმიტედისათვის (საქართველო) სახელმწიფო საკუთრებაში არსებული ქონების უსასყიდლო აღნაგობის ფორმით გადაცემის თაობაზე თანხმობის მიცემის შესახებ | |
|---|---|
| დოკუმენტის ნომერი | 2495 |
| დოკუმენტის მიმღები | საქართველოს მთავრობა |
| მიღების თარიღი | 21/12/2011 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | გამოუქვეყნებელი, 0, 21/12/2011 |
| სარეგისტრაციო კოდი | 000000000.00(0).000.000000 |
საქართველოს მთავრობის
განკარგულება №2495
2011 წლის 21 დეკემბერი
ქ. თბილისი
სამხრეთ კავკასიის მილსადენის კომპანია ლიმიტედისათვის (საქართველო) სახელმწიფო საკუთრებაში არსებული ქონების უსასყიდლო აღნაგობის ფორმით გადაცემის თაობაზე თანხმობის მიცემის შესახებ
1. „სახელმწიფო ქონების შესახებ“ საქართველოს კანონის 36‑ე მუხლის მე‑2 პუნქტის შესაბამისად, მიეცეს თანხმობა საქართველოს ეკონომიკისა და მდგრადი განვითარების სამინისტროს, რომ სამხრეთ კავკასიის მილსადენის კომპანია ლიმიტედს (საქართველო) (საიდენტიფიკაციო კოდი – 205011609) უსასყიდლო აღნაგობის ფორმით, ხელშეკრულების გაფორმებიდან 60 წლის ვადით გადასცეს წალკის მუნიციპალიტეტში, სოფელ ავრანლოში მდებარე სახელმწიფო საკუთრებაში არსებული 25 166 კვ.მ არასასოფლო-სამეურნეო დანიშნულების მიწის ნაკვეთები, დანართის მიხედვით.
2. „სამხრეთკავკასიური მილსადენის პროექტის მონაწილეებსა და ტერიტორიის მფლობელი ქვეყნის მთავრობასთან 2002 წლის 17 აპრილს დადებული საერთაშორისო ხელშეკრულების“ N2 დანართისა (მუხლი 1, პუნქტი 1.5) და „სასოფლო-სამეურნეო დანიშნულების მიწის არასასოფლო-სამეურნეო მიზნით გამოყოფისას სანაცვლო მიწის ათვისების ღირებულებისა და მიყენებული ზიანის ანაზღაურების შესახებ“ საქართველოს კანონის (მოქმედი ზემოხსენებული საერთაშორისო ხელშეკრულების ძალაში შესვლის დღეს) საფუძველზე სამხრეთ კავკასიის მილსადენის კომპანია ლიმიტედმა (საქართველო) უზრუნველყოს საკომპენსაციო თანხის – 6946 ლარის სახელმწიფო ბიუჯეტში ჩარიცხვა.
3. საქართველოს ზოგადი ადმინისტრაციული კოდექსის 61-ე მუხლის შესაბამისად, ძალადაკარგულად გამოცხადდეს საქართველოს მთავრობის 2011 წლის 8 დეკემბრის №2361 განკარგულება.
4. საქართველოს ეკონომიკისა და მდგრადი განვითარების სამინისტრომ ამ განკარგულების შესრულების მიზნით განახორციელოს კანონმდებლობით გათვალისწინებული შესაბამისი ღონისძიებები.
პრემიერ-მინისტრი ნიკა გილაური
დანართი
სამხრეთ კავკასიის მილსადენის კომპანია ლიმიტედისათვის (საქართველო) უსასყიდლო აღნაგობის ფორმით გადასაცემი ქონება
| № | ადგილმდებარეობა | ნაკვეთის ფუნქცია | მიწის ფართობი (კვ.მ) | საკადასტრო კოდი |
| 1 | წალკის მუნიციპალიტეტი, სოფელი ავრანლო | არასასოფლო-სამეურნეო | 11810 | 85.18.24.104 |
| 2 | წალკის მუნიციპალიტეტი, სოფელი ავრანლო | არასასოფლო-სამეურნეო | 666 | 85.18.24.105 |
| 3 | წალკის მუნიციპალიტეტი, სოფელი ავრანლო | არასასოფლო-სამეურნეო | 1822 | 85.18.24.107 |
| 4 | წალკის მუნიციპალიტეტი, სოფელი ავრანლო | არასასოფლო-სამეურნეო | 1112 | 85.18.24.108 |
| 5 | წალკის მუნიციპალიტეტი, სოფელი ავრანლო | არასასოფლო-სამეურნეო | 392 | 85.18.24.109 |
| 6 | წალკის მუნიციპალიტეტი, სოფელი ავრანლო | არასასოფლო-სამეურნეო | 2127 | 85.18.24.092 |
| 7 | წალკის მუნიციპალიტეტი, სოფელი ავრანლო | არასასოფლო-სამეურნეო | 1533 | 85.18.24.099 |
| 8 | წალკის მუნიციპალიტეტი, სოფელი ავრანლო | არასასოფლო-სამეურნეო | 2642 | 85.18.24.416 |
| 9 | წალკის მუნიციპალიტეტი, სოფელი ავრანლო | არასასოფლო-სამეურნეო | 293 | 85.18.24.419 |
| 10 | წალკის მუნიციპალიტეტი, სოფელი ავრანლო | არასასოფლო-სამეურნეო | 737 | 85.18.24.430 |
| 11 | წალკის მუნიციპალიტეტი, სოფელი ავრანლო | არასასოფლო-სამეურნეო | 2032 | 85.18.24.418 |
|
|
|
|
|
|
დოკუმენტის კომენტარები