მცხეთის მუნიციპალიტეტის საკუთრებაში არსებული ქონების სარგებლობის ქირის საწყისი წლიური ოდენობის განსაზღვრის შესახებ

,,ადგილობრივი თვითმმართველობის შესახებ” საქართველოს ორგანული კანონის 22-ე მუხლის პირველი პუნქტის ,,ქ’’ ქვეპუნქტის, ,,სახელმწიფო ქონების შესახებ“ საქართველოს კანონის მე-19 მუხლის, ,,ადგილობრივი თვითმმართველი ერთეულის ქონების შესახებ“ საქართველოს კანონის 19⁵  მუხლის მე-3 პუნქტის,  საქართველოს მთავრობის 2013 წლის 10 დეკემბრის №328 დადგენილების მე-5 მუხლისა და მცხეთის მუნიციპალიტეტის გამგებლის 2014 წლის 07 მარტის №1164 მომართვის შესაბამისად,მცხეთის მუნიციპალიტეტის საკრებულო ადგენს,

მცხეთის მუნიციპალიტეტის  საკუთრებაში არსებული არასასოფლო-სამეურნეო დანიშნულებისა და სასოფლო-სამეურნეო დანიშნულების მიწის სარგებლობის ქირის  საწყისი წლიური ოდენობა  განისაზღვროს 1 კვ. მეტრზე დამოუკიდებელი აუდიტორის (ექსპერტი) დასკვნის საფუძველზე დადგენილი ფასის 6%-ის ოდენობით.

მცხეთის მუნიციპალიტეტის საკუთრებაში    არსებული  არასასოფლო - სამეურნეო   დანიშნულების   მიწისა და სასოფლო-სამეურნეო დანიშნულების მიწის გარდა   სხვა   დანარჩენი     ქონების   სარგებლობის ქირის  საწყისი    წლიური ოდენობა განისაზღვროს დამოუკიდებელი აუდიტორის (ექსპერტი) დასკვნის საფუძველზე დადგენილი ფასის 6%-ის ოდენობით.

მცხეთის მუნიციპალიტეტის საკუთრებაში  არსებული  ქონების პირობებით სასყიდლით სარგებლობაში გადაცემისას საწყისი წლიური ქირის ოდენობა  განისაზღვროს დამოუკიდებელი აუდიტორის (ექსპერტი) დასკვნის საფუძველზე დადგენილი ფასის 5%-ის ოდენობით.

ძალადაკარგულად გამოცხადდეს მცხეთის მუნიციპალიტეტის საკრებულოს 2011 წლის 18 თებერვლის №17 დადგენილება ,,მცხეთის მუნიციპალიტეტის თვითმმართველობის საკუთრებაში არსებული ქონების საწყისი წლიური ქირის ოდენობის განსაზღვრის შესახებ“ (სსმ, 040110030.35.153.016045  28.02.11).

დადგენილება ამოქმედდეს გამოქვეყნებისთანავე.