სახელმწიფო საკუთრებაში არსებული უძრავი ნივთის შპს „ტერასასათვის“ პირდაპირი მიყიდვის ფორმით პრივატიზების შესახებ

საქართველოს მთავრობის

განკარგულება №661

2014 წლის 10 აპრილი

ქ. თბილისი

სახელმწიფო საკუთრებაში არსებული უძრავი ნივთის შპს ,,ტერასასათვის“ პირდაპირი მიყიდვის ფორმით პრივატიზების შესახებ

1. „სახელმწიფო ქონების შესახებ“ საქართველოს კანონის მე-7 მუხლის მე-3 პუნქტისა და მე-10 მუხლის მე-2 პუნქტის შესაბამისად, სახელმწიფო საკუთრებაში არსებული, ასპინძის მუნიციპალიტეტში, სოფელ ხიზაბავრას ტერიტორიაზე არსებული 4 (ოთხი) ერთეული (ჯამში - 30.4063 ჰა) სასოფლო-სამეურნეო (სახნავი) დანიშნულების მიწის ნაკვეთი, მათ შორის: 83210 კვ.მ ,,გომები“ (მიწის (უძრავი ქონების) საკადასტრო კოდი №60.11.31.065); 29359 კვ.მ (მიწის (უძრავი ქონების) საკადასტრო კოდი №60.11.31.071); 135341 კვ.მ ,,გომები“ (მიწის (უძრავი ქონების) საკადასტრო კოდი №60.11.31.073); 56153 კვ.მ ,,გომები“ (მიწის (უძრავი ქონების) საკადასტრო კოდი №60.11.31.075) მიწის ნაკვეთები პირდაპირი მიყიდვის ფორმით, 10 000 (ათი ათასი) ლარად, საკუთრებაში გადაეცეს შპს ,,ტერასას“ (საიდენტიფიკაციო კოდი №424068181).

2. საპრივატიზებო პირობებად განისაზღვროს:

ა) საპრივატიზებო თანხის გადახდა შესაბამისი ხელშეკრულების გაფორმებიდან 30 კალენდარული დღის ვადაში;

ბ) შესაბამისი ხელშეკრულების გაფორმებიდან 2 (ორი) წლის ვადაში:

ბ.ა) ამ განკარგულების პირველი პუნქტით გადაცემულ ქონებაზე არსებული ტერასების აღდგენა;

ბ.ბ) ამ განკარგულების პირველი პუნქტით გადაცემულ ქონებაზე ან/და მის ნაწილზე საკოლექციო-სადემონსტრაციო ნაკვეთის მოწყობა;

ბ.გ) ამ განკარგულების პირველი პუნქტით გადაცემულ ქონებაზე ან/და მის ნაწილზე ვენახის (მათ შორის, მესხური ჯიში) გაშენება;

ბ.დ) ამ განკარგულების პირველი პუნქტით გადაცემულ ქონებაზე ან/და მის ნაწილზე არანაკლებ 2 (ორი) ერთეული მესხური სტილის მარნის მშენებლობა;

გ) ამ პუნქტის ,,ბ“ ქვეპუნქტით ნაკისრი ვალდებულების შესრულების მიზნით, არანაკლებ 1 100 000 (ერთი მილიონ ასი ათასი) ლარის ინვესტიციის განხორციელება;

დ) ამ პუნქტის ,,ბ“ ქვეპუნქტით ნაკისრი ვალდებულების შესრულების მიზნით, ერთჯერადად, არანაკლებ 150 ადგილობრივი მკვიდრის დასაქმება.

3. ამ განკარგულების მე-2 პუნქტით განსაზღვრული საპრივატიზებო პირობების შესრულების უზრუნველყოფის მიზნით, შპს ,,ტერასამ“ უზრუნველყოს შესაბამისი ხელშეკრულების გაფორმებამდე, განსახორციელებელი ინვესტიციის არანაკლებ 10%-ის ოდენობით უპირობო და გამოუხმობი საბანკო გარანტიის წარმოდგენა, რომლის მოქმედების ვადაც 4 (ოთხი) თვით უნდა აღემატებოდეს ამ განკარგულების მე-2 პუნქტის „ბ“ ქვეპუნქტით განსაზღვრულ ვადას.

4. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა - სახელმწიფო ქონების ეროვნულმა სააგენტომ, ამ განკარგულების შესრულების მიზნით, უზრუნველყოს კანონმდებლობით გათვალისწინებული ღონისძიებების განხორციელება.

პრემიერ-მინისტრი                       ი . ღარიბაშვილი