„სახელმწიფო ქონების საქართველოს საპატრიარქოსათვის პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2009 წლის 24 ივნისის №430 განკარგულებით განსაზღვრულისაგან განსხვავებული პირობის დადგენისა და საქართველოს სამოციქულო ავტოკეფალური მართლმადიდებელი ეკლესიის (საქართველოს საპატრიარქო) მიმართ რიგ ღონისძიებათა განხორციელების თაობაზე

საქართველოს მთავრობის

განკარგულება №655

2014 წლის 10 აპრილი

ქ. თბილისი

„სახელმწიფო ქონების საქართველოს საპატრიარქოსათვის პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2009 წლის 24 ივნისის № 430 განკარგულები თ განსაზღვრულისაგან განსხვავებული პირობის დადგენისა და საქართველოს სამოციქულო ავტოკეფალური მართლმადიდებელი ეკლესიის (საქართველოს საპატრიარქო) მიმართ რიგ ღონისძიებათა განხორციელების თაობაზე

1 . „სახელმწიფო ქონების შესახებ“ საქართველოს კანონის 49¹ მუხლის პირველი პუნქტისა და „სახელმწიფო ქონების შესახებ“ საქართველოს კანონში ცვლილების შეტანის თაობაზე“ 2013 წლის 6 სექტემბრის №1037- Iს საქართველოს კანონის მე- 2 მუხლის პირველი პუნქტის შესაბამისად:

ა) დადგინდეს „სახელმწიფო ქონების საქართველოს საპატრიარქოსათვის პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2009 წლის 24 ივნისის № 430 განკარგულების (შემდგომში - პრეზიდენტის განკარგულება) მე-2 პუნქტის ,,ბ“ ქვეპუნქტისგან განსხვავებული შემდეგი საპრივატიზებო პირობა:

 „გადაცემული ქონების პირადად ან/და მესამე პირის მეშვეობით საგანმანათლებლო მიზნებისა (მათ შორის, პროფესიული სწავლების მიზნით) და მასთან დაკავშირებული საქმიანობისთვის გამოყენება, შესაბამისი ლიცენზიის ან/და ავტორიზაციის მოპოვებიდან არანაკლებ 7 წლის განმავლობაში;“ ;

 ბ) პრეზიდენტის განკარგულების მე-2 პუნქტის „დ“ და „ე“ ქვეპუნქტებით გათვალისწინებული საპრივატიზებო პირობები გაუქმებულ იქნეს.

 2. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის შესაბამისად, საქართველოს სამოციქულო ავტოკეფალური მართლმადიდებელი ეკლესია (საქართველოს საპატრიარქო) გათავისუფლდეს საქართველოს ეკონომიკური განვითარების სამინისტროსა და საქართველოს საპატრიარქოს შორის 2009 წლის 16 სექტემბერს გაფორმებული ნასყიდობის ხელშეკრულების (სანოტარო აქტის რეგისტრაციის №090516425) შესაბამისად, ამ განკარგულების საფუძველზე შესაბამისი ცვლილების ხელშეკრულების გაფორმებამდე, დაკისრებული/დასაკისრებელი პირგასამტეხლოს გადახდის ვალდებულებისგან.

 3. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა - სახელმწიფო ქონების ეროვნულმა სააგენტომ , ამ განკარგულების შესრულების მიზნით , განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი            ი . ღარიბაშვილი