„სახელმწიფო საკუთრებაში არსებული უძრავი ქონების შპს „ნინაფალკონისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2010 წლის 30 აპრილის №342 განკარგულებით განსაზღვრულისაგან განსხვავებული პირობის დადგენისა და სს „თიბისი ბანკის“ საქმიანობის ხელშესაწყობად რიგ ღონისძიებათა განხორციელების თაობაზე

საქართველოს მთავრობის

განკარგულება №654

 2014 წლის 10 აპრილი

 ქ. თბილისი

„სახელმწიფო საკუთრებაში არსებული უძრავი ქონების შპს „ნინაფალკონისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2010 წლის 30 აპრილის №342 განკარგულებით განსაზღვრულისაგან განსხვავებული პირობის დადგენისა და სს „თიბისი ბანკის“ საქმიანობის ხელშესაწყობად რიგ ღონისძიებათა განხორციელების თაობაზე

1. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტისა და „სახელმწიფო ქონების შესახებ“ საქართველოს კანონში ცვლილების შეტანის თაობაზე“ 2013 წლის 6 სექტემბრის №1037-Iს საქართველოს კანონის მე-2 მუხლის პირველი პუნქტის შესაბამისად, დადგინდეს „სახელმწიფო საკუთრებაში არსებული უძრავი ქონების შპს „ნინაფალკონისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2010 წლის 30 აპრილის №342 განკარგულების მე-2 პუნქტის „დ“ ქვეპუნქტით განსაზღვრულისაგან განსხვავებული შემდეგი საპრივატიზებო პირობა:

,,ლოჯისტიკის ცენტრის ექსპლუატაციაში შესვლიდან 1 წლის განმავლობაში, მიწის ნაკვეთზე (მიწის (უძრავი ქონების) საკადასტრო კოდი: №01.12.08.037.068) განთავსებულ შენობა-ნაგებობებში (მათ შორის, ლოჯისტიკის ცენტრსა და/ან საწარმოო საამქროებში) კომპანიის ან/და მესამე პირ(ებ)ის მეშვეობით 500 ადამიანის დასაქმება, არანაკლებ 2 წლით;“.

2. შპს „ნინაფალკონის“ უფლებამონაცვლე სს „თიბისი ბანკი“ გათავისუფლდეს საქართველოს ეკონომიკური განვითარების სამინისტროსა და შპს „ნინაფალკონს“ (უფლებამონავლე სს „თიბისი ბანკი“) შორის 2010 წლის 10 მაისს გაფორმებული ნასყიდობის ხელშეკრულების 4.2.5 მუხლის შესაბამისად, ამ განკარგულების საფუძველზე შესაბამისი ცვლილების ხელშეკრულების გაფორმებამდე, დაკისრებული/დასაკისრებელი პირგასამტეხლოსაგან, იმ პირობით, რომ სს „თიბისი ბანკი“ შეასრულებს ამ განკარგულების პირველი პუნქტით გათვალისწინებულ საპრივატიზებო პირობას.

  3. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

 პრემიერ-მინისტრი                                         ირაკლი ღარიბაშვილი