„სახელმწიფო საკუთრებაში არსებული უძრავი ქონების შპს „ახალი თბილისისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2012 წლის 10 სექტემბრის №10/09/14 განკარგულებით განსაზღვრულისაგან განსხვავებული პირობის დადგენისა და შპს „New Tbilisi“-ს საქმიანობის ხელშესაწყობად რიგ ღონისძიებათა განხორციელების თაობაზე

საქართველოს მთავრობის

განკარგულება №653

 2014 წლის 10 აპრილი

 ქ. თბილისი

„სახელმწიფო საკუთრებაში არსებული უძრავი ქონების შპს „ახალი თბილისისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2012 წლის 10 სექტემბრის №10/09/14 განკარგულებით განსაზღვრულისაგან განსხვავებული პირობის დადგენისა და შპს „New Tbilisi“-ს საქმიანობის ხელშესაწყობად რიგ ღონისძიებათა განხორციელების თაობაზე

1. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტისა და „სახელმწიფო ქონების შესახებ“ საქართველოს კანონში ცვლილების შეტანის თაობაზე“ 2013 წლის 6 სექტემბრის №1037-Iს საქართველოს კანონის მე-2 მუხლის პირველი პუნქტის შესაბამისად, დადგინდეს „სახელმწიფო საკუთრებაში არსებული უძრავი ქონების შპს „ახალი თბილისისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2012 წლის 10 სექტემბრის №10/09/14 განკარგულების მე-2 პუნქტის „ბ“ ქვეპუნქტით განსაზღვრულისაგან განსხვავებული შემდეგი საპრივატიზებო პირობა:

 „2014 წლის 31 დეკემბრამდე სასტუმროს მშენებლობა და ექსპლუატაციაში შეყვანა, რომელიც უნდა მოიცავდეს „სახელმწიფო საკუთრებაში არსებული უძრავი ქონების შპს „ახალი თბილისისათვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2012 წლის 10 სექტემბრის №10/09/14 განკარგულების პირველი პუნქტით გადაცემული ქონების ტერიტორიას, მაგრამ არ უნდა შემოიფარგლებოდეს მისით;“.

2. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის შესაბამისად, შპს „New Tbilisi“ გათავისუფლდეს სსიპ - სახელმწიფო ქონების ეროვნულ სააგენტოსა და შპს „ახალ თბილისს“ (ამჟამად შპს „New Tbilisi“) შორის 2012 წლის 10 დეკემბერს გაფორმებული ნასყიდობის ხელშეკრულების 6.2 მუხლის შესაბამისად, ამ განკარგულების საფუძველზე შესაბამისი ცვლილების ხელშეკრულების გაფორმებამდე, დაკისრებული/დასაკისრებელი პირგასამტეხლოსაგან, იმ პირობით, რომ შპს „New Tbilisi“ შეასრულებს ამ განკარგულების პირველი პუნქტით გათვალისწინებულ ვალდებულებას.

3. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი                                      ირაკლი ღარიბაშვილი