სტიქიის შედეგების სალიკვიდაციო ღონისძიებების განხორციელების თაობაზე

საქართველოს მთავრობის

განკარგულება №652

 2014  წლის 10 აპრილი

 ქ. თბილისი

  სტიქიის შედეგების სალიკვიდაციო ღონისძიებების განხორციელების თაობაზე

1. მიმდინარე წელს მომხდარი სტიქიის შედეგების სალიკვიდაციო ღონისძიებების განხორციელების მიზნით, საქართველოს ფინანსთა სამინისტრომ, „საქართველოს 2014 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს რეგიონებში განსახორციელებელი პროექტების ფონდიდან, ადგილობრივ თვითმმართველ ერთეულებს გამოუყოს 518 093 (ხუთას თვრამეტი ათას ოთხმოცდაცამეტი) ლარი, მათ შორის: 

 ა) მცხეთის მუნიციპალიტეტს – 134 116 (ას ოცდათოთხმეტი ათას ას თექვსმეტი) ლარი;                

ბ) თელავის მუნიციპალიტეტს – 109 330 (ას ცხრა ათას სამას ოცდაათი) ლარი;                                

 გ) გურჯაანის მუნიციპალიტეტს 106 547 (ას ექვსი ათას ხუთას ორმოცდაშვიდი) ლარი;

 დ) დმანისის მუნიციპალიტეტს 90 000 (ოთხმოცდაათი ათასი) ლარი;

  ე) გარდაბნის მუნიციპალიტეტს – 78 100 (სამოცდათვრამეტი ათას ასი) ლარი.

2. ამ განკარგულების პირველი პუნქტით გათვალისწინებული თანხის ფარგლებში, ადგილობრივმა თვითმმართველმა ერთეულებმა უზრუნველყონ სტიქიის შედეგად დაზიანებული ხიდების (მათ შორის, სახიდე გადასასვლელები), ადგილობრივი მნიშვნელობის გზების, სასმელი წყლის სათავე ნაგებობების, სანიაღვრე არხების (მათ შორის, წყალგამტარი მილები), ბოგირების, გაბიონების, საცხოვრებელი სახლების სახურავების, ნაპირსამაგრი ნაგებობის, ადმინისტრაციული შენობების და სხვა ინფრასტრუქტურული ობიექტების აღდგ ენითი სამუშაოებისა და მათთან დაკავშირებული საქონლისა და მომსახურების შესყიდვა.

3. ადგილობრივმა თვითმმართველმა ერთეულებმა „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, ამ განკარგულებით გათვალისწინებული სტიქიის შედეგების სალიკვიდაციო ღონისძიებებთან დაკავშირებული სახელმწიფო შესყიდვები განახორციელონ გამარტივებული შესყიდვის საშუალებით.

პრემიერ-მინისტრი                                                      ირაკლი ღარიბაშვილი