„ბოლნისის მუნიციპალიტეტის 2014 წლის ადგილობრივი ბიუჯეტიდან სოციალური დახმარების გაცემისა და მიღების წესის დამტკიცების შესახებ“ ბოლნისის მუნიციპალიტეტის საკრებულოს 2014 წლის 14 იანვრის № 1 დადგენილებაში ცვლილების შეტანის თაობაზე.

,,2. ზემოთ ჩამოთვლილი  სამი ან მეტი კატეგორიის მქონე სტუდენტები, რომლებიც სწავლობენ სახელმწიფო აკრედიტებულ უმაღლეს სასწავლებელში, დახმარებას ყოველთვიურად მიიღებენ 70 (სამოცდაათი) ლარის ოდენობით  (2014 წლის 01 აპრილიდან 01 აგვისტომდე  და  01  სექტემბრიდან 31  დეკემბრამდე)’’.

2. დადგენილებით დამტკიცებული წესის  მე-6 მუხლს დაემატოს 2^I  პუნქტი   ჩამოყალიბდეს შემდეგი რედაქციით:

,,2^I. წარჩინებულ სტუნდეტებს, რომლებიც სწავლობენ სახელმწიფო აკრედიტებულ უმაღლეს სასწავლებელში (რომელთა სარეიტინგო ქულა არის  80-დან 100-მდე) დაფინანსდებიან  ყოველთვიურად 100 (ასი) ლარის ოდენობით   (2014 წლის 01  აპრილიდან  01 აგვისტმდე  და  01 სექტემბრიდან 31 დეკემბრამდე)’’.

 3. დადგენილებით დამტკიცებული წესის  მე-14 მუხლი  ჩამოყალიბდეს შემდეგი რედაქციით:

     ,,14. ფენილკეტონურიით დაავადებული ბავშვების დახმარება.

1. ფენილკეტონურიით დაავადებული ბავშვების დახმარება  გაიცემა წელიწადში არაუმეტეს 1500 (ერთი ათას ხუთასი) ლარის ოდენობით თითოეულ დაავადებულზე.

2. დახმარება გაიცემა მუნიციპალიტეტის გამგებლის ბრძანებით, მუნიციპალიტეტის გამგეობის ჯანმრთელობის დაცვის, სოციალურ საკითხთა, ვეტერანთა საქმეებისა და მიგრაციის სამსახურის დასკვნის საფუძველზე.

3. ანაზღაურება  მოხდება უნაღდო ანგარიშსწორების ფორმით შესაბამისი დაწესებულების საბანკო   ანგარიშზე.

4. პაციენტის ოჯახის სრულწლოვანმა წევრმა მუნიციპალიტეტში უნდა წარმოადგინოს:

 ა) განცხადება მუნიციპალიტეტის გამგებლის სახელზე;

ბ) განმცხადებლის პირადობის მოწმობის ასლი;

გ) ცნობა ჯანმრთელობის მდგომარეობის შესახებ (ფორმა 100);

დ) ბავშვის დაბადების მოწმობა;

ე) ანგარიშ-ფაქტურა სამედიცინო დაწესებულებიდან.