საქართველოს რეგიონული განვითარებისა და ინფრასტრუქტურის სამინისტროს მიერ განსახორციელებელ ღონისძიებათა თაობაზე

ს აქართველოს მთ ავრობის

განკარგულება №1093

2012 წლის 8 ივნისი

ქ. თბილისი

საქართველოს რეგიონული განვითარებისა და ინფრასტრუქტურის სამინისტროს მიერ განსახორციელებელ ღონისძიებათა თაობაზე

1. საქართველოს რეგიონული განვითარებისა და ინფრასტ­რუ­ქ­ტუ­რ­ის სამინისტრომ (შემდგომში – სამინისტრო), „საქარ­თვე­ლოს 2012 წლის სა­ხელმწიფო ბიუჯეტის შესახებ“ საქართველოს კანონის 31-ე მუხლის   მე-2 პუნქტის შესაბამისად, უზრუნველყოს ამ კანონით სამინისტ­როსა­თვის „რე­­გიონული და მუნიციპალური ინფრასტრუქტურის რეაბილი­ტა­ცი­ის“ მუხ­ლით (პროგრამული კოდი – 25 03) და „საქართველოს 2012 წლის სა­ხელ­მწიფო ბიუჯეტის და ნაერთი ბიუჯეტის შემოსავლების, არა­ფი­ნ­ან­სუ­რი აქტივების კლებისა და ფინანსური აქტივების კლების კვარ­ტა­ლური გან­წერის დამტკიცების თაობაზე“ საქართველოს ფინანსთა მი­ნის­ტრის 2011 წლის 30 დეკემბრის №643 ბრძანებით დამტკიცებული „სა­ქარ­­თვე­ლო­ში მყარი ნარჩენების მართვა“ (პროგრამული კოდი – 25 03 12) (ეკ­ო­ნო­მი­კური კლასიფიკაციით – ფინანსური აქტივების ზრდა) გამო­ყო­ფ­ილი ას­იგნებების ფარგლებში გათვალისწინებული 750.0 ათასი (შვიდას ორ­­მოც­დაათი ათასი) ლარის შპს „საქართველოს მყარი ნარჩენების მარ­თვის კომ­პანიისათვის“ (შემდგომში – კომპანია) გადარიცხვა.

2. ამ განკარგულების პირველი პუნქტით გათვალისწინებული თან­ხის გადარიცხვის პროცედურების განსახორციელებლად სამინისტრომ, სა­ქარ­თველოს ზოგადი ადმინისტრაციული კოდექსის მე-2 მუხლის პირ­ვე­ლი ნაწილის „ზ“ ქვეპუნქტის, 65-ე, 66-ე და 69-ე მუხლების შესაბამ­ი­ს­ად, უზრუნველყოს „თანხების გადარიცხვის შესახებ“ ადმინისტ­რაცი­უ­ლი ხელშეკრულების გაფორმება კომპანიასთან.

3. სამინისტრომ უზრუნველყოს კომპანიის კაპიტალის გაზრდა 750.0 ათასი (შვიდას ორმოცდაათი ათასი) ლარით.

4. კომპანიამ უზრუნველყოს სამინისტროსათვის ინფორმაციის მი­წო­დება გადარიცხული თანხების ხარჯვის შესახებ თითოეული გადარი­ცხუ­ლი თანხის სრულად გახარჯვის შემდეგ ან სამინისტროს მოთხოვნის შე­საბამისად.

პრემიერ-მინისტრი                                            ნ. გილაური