საქართველოს რეგიონული განვითარებისა და ინფრასტრუქტურის სამინისტროს სახელმწიფო საქვეუწყებო დაწესებულების – საქართველოს საავტომობილო გზების დეპარტამენტისათვის უფლებამოსილების მინიჭების შესახებ

ს აქართველოს მთ ავრობის

განკარგულება №1028

2012 წლის30მაისი

ქ. თბილისი

საქართველოს რეგიონული განვითარებისა და ინფრასტრუქტურის სამინისტროს სახელმწიფო საქვეუწყებო დაწესებულების – საქართველოს საავტომობილო გზების დეპარტამენტისათვისუფლებამოსილების მინიჭების შესახებ

საქართველოს რეგიონული განვითარებისა და ინფრასტრუქტურის სა­მი­ნის­ტროს სახელმწიფო საქვეუწყებო დაწესებულებას – საქართველოს საავ­ტომობილო გზების დეპარტამენტს (შემდგომში – დეპარტამენტი) მიენიჭოს უფ­ლებამოსილება, რათა კანონმდებლობით დადგენილი წესითა და კომპე­ტენ­ციით, მესტიის მუნიციპალიტეტის მიერ მიწოდებულ ინფორმაციაზე დაყრდნობით, სათანადო აუდიტური შეფასებების საფუძველზე 2012 წელს უზრუნველყოს:

 ა) დეპარტამენტის მიერ მესტიის მუნიციპალიტეტის ტერიტორიაზე 2009-2011 წლებში განხორციელებული საავტომობილო გზებისა და სხვა ინ­ფრასტრუქტურული ობიექტების მშენებლობა-რეაბილიტაციის ზემოქმედე­ბის არეალში მოხვედრილი მიწის ნაკვეთების გამოსყიდვა და მათი სა­ხელმწიფო საკუთრებად დარეგისტრირება;

 ბ) დეპარტამენტის მიერ მესტიის მუნიციპალიტეტის ტერიტორიაზე 2009-2011 წლებში განხორციელებული საავტომობილო გზებისა და სხვა ინ­ფრასტრუქტურული ობიექტების მშენებლობა-რეაბილიტაციის ზემოქმე­დე­ბის არეალში მოხვედრილი მოსახლეობისათვის მიყენებული ზარალის კომ­პენსაცია;

  გ) მიწის ნაკვეთების გამოსყიდვის ან/და ზარალის კომპენსაციის დაფი­ნან­სება „საქართველოს 2012 წლის სახელმწიფო ბიუჯეტის შესახებ“ საქარ­თვე­ლოს კანონით დეპარტამენტისათვის „გზების მშენებლობისა და მოვლა-შენახვის“ მუხლით (პროგრამული კოდი – 25 02 02) და „საქართველოს 2012 წლის სახელმწიფო ბიუჯეტის და ნაერთი ბიუჯეტის შემოსავლების, არა­ფინანსური აქტივების კლებისა და ფინანსური აქტივების კლების კვარტა­ლური განწერის დამტკიცების თაობაზე“ საქართველოს ფინანსთა მინის­ტრის 2011 წლის 30 დეკემბრის №643 ბრძანებით დამტკიცებული „გზების პერიოდული შეკეთებისა და რეაბილიტაციის“ მუხლით (პროგრამული კო­დი – 25 02 02 01) განსაზღვრული ასიგნებებიდან.

პრემიერ-მინისტრი                                                             ნ . გილაური