საქართველოს თავდაცვის სამინისტროსა და შპს „თბილავიამშენს“ შორის დადებული ხელშეკრულებების შემსწავლელი სამთავრობო კომისიის შექმნის შესახებ

საქართველოს მთავრობის

განკარგულება №600

 2014 წლის 4 აპრილი

 ქ. თბილისი

საქართველოს თავდაცვის სამინისტროსა და შპს ,,თბილავიამშენს“ შორის დადებული ხელშეკრულებების შემსწავლელი სამთავრობო კომისიის შექმნის შესახებ

1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 29-ე მუხლის პირველი პუნქტის შესაბამისად, შეიქმნას საქართველოს თავდაცვის სამინისტროსა და შპს „თბილავიამშენს“ შორის დადებული ხელშეკრულებების შემსწავლელი სამთავრობო კომისია (შემდგომში – კომისია) შემდეგი შემადგენლობით:

ა) საქართველოს ეკონომიკისა და მდგრადი განვითარების სამინისტროს წარმომადგენელი – კომისიის თავმჯდომარე;

ბ) საქართველოს თავდაცვის სამინისტროს წარმომადგენელი – კომისიის წევრი;

გ) საქართველოს ფინანსთა სამინისტროს წარმომადგენელი – კომისიის წევრი;

დ) სსიპ – სახელმწიფო ქონების ეროვნული სააგენტოს წარმომადგენელი – კომისიის წევრი;

ე) შპს ,,თბილავიამშენის“ წარმომადგენელი – კომისიის წევრი.

2. კომისიის შექმნის მიზანია, საქართველოს თავდაცვის სამინისტროსა და შპს ,,თბილავიამშენს“ შორის დადებული ხელშეკრულებებისა და მათი შესრულების საკითხების შესწავლა, შესაბამისი სამართლებრივი ხასიათის პროექტების მომზადება, რეკომენდაციების/დასკვნების მიღება და უფლებამოსილი ორგანოებისთვის წარდგენა.

3. კომისია ვალდებულია, საქმიანობის პროცესში დაიცვას სახელმწიფო საიდუმლოებასთან დაკავშირებული კანონმდებლობის მოთხოვნები და უზრუნველყოს სახელმწიფო საიდუმლოების შემცველი ინფორმაციის გამჟღავნების თავიდან აცილება.

პრემიერ-მინისტრი                               ირაკლი ღარიბაშვილი