„აფხაზეთის ავტონომიური რესპუბლიკის ფინანსთა და ეკონომიკის სამინისტროს დებულების დამტკიცების შესახებ“ აფხაზეთის ავტონომიური რესპუბლიკის მთავრობის 2014 წლის 13 იანვრის №3 დადგენილებაში ცვლილებების შეტანის თაობაზე

აფხაზეთის ავტონომიური რესპუბლიკის მთავრობის

დადგენილება №22

2014 წლის 1 აპრილი

ქ. თბილისი

„აფხაზეთის ავტონომიური რესპუბლიკის  ფინანსთა და ეკონომიკის სამინისტროს დებულების დამტკიცების შესახებ“ აფხაზეთის ავტონომიური რესპუბლიკის მთავრობის 2014 წლის 13 იანვრის №3 დადგენილებაში ცვლილებების შეტანის თაობაზე

მუხლი 1. „ნორმატიული აქტების შესახებ“ საქართველოს კანონის მე-20 მუხლის, „ნორმატიული აქტების შესახებ“ აფხაზეთის ავტონომიური რესპუბლიკის კანონის მე-18 მუხლის შესაბამისად, „აფხაზეთის ავტონომიური რესპუბლიკის ფინანსთა და ეკონომიკის სამინისტროს დებულების დამტკიცების შესახებ“ აფხაზეთის ავტონომიური რესპუბლიკის მთავრობის 2014 წლის 13 იანვრის №3 დადგენილებით (სსმ, ვებგვერდი, 14/01/2014წ. 010340000.32.061.016067) დამტკიცებულ აფხაზეთის ავტონომიური რესპუბლიკის ფინანსთა და ეკონომიკის სამინისტროს დებულებაში შეტანილ იქნეს შემდეგი სახის ცვლილებები:

1. დებულების მე-8 მუხლის „ვ“ პუნქტი ჩამოყალიბდეს შემდეგი რედაქციით:

„ვ) სტატისტიკის დეპარტამენტი;“.

2. დებულების მე-8 მუხლს დაემატოს შემდეგი შინაარსის „ვ.ა“ ქვეპუნქტი და ჩამოყალიბდეს შემდეგი რედაქციით:

„ვ.ა) შრომის სტატისტიკის სამსახური;“.

3. დებულების მე-15  მუხლს  დაემატოს  შემდეგი შინაარსის „მ“ ქვეპუნქტი:

„მ)  შრომის სტატისტიკის  სამსახურის ამოცანები და კომპეტენციაა:

მ.ა) ეკონომიკური აქტივობის სტატუსის (აფხაზეთიდან იძულებით გადაადგილებულ პირთა დასაქმების, უმუშევრობის) ამსახველი სტატისტიკური მონაცემების გაანგარიშებაში მონაწილების მიღება;

მ.ბ) შრომის (დაქირავებით დასაქმებულთა საშუალო თვიური ანაზღაურების შესახებ) სტატისტიკური გამოკვლევების დაგეგმვასა და ორგანიზებაში  მონაწილეობის მიღება;

მ.გ) სტატისტიკის დეპარტამენტის უფროსის ცალკეული დავალებების შესრულება;

მ.დ) კანონმდებლობით გათვალისწინებული სხვა უფლებამოსილებათა  განხორციელება.“.

მუხლი 2.  დადგენილება ამოქმედდეს გამოქვეყნებისთანავე.

აფხაზეთის ავტონომიური რესპუბლიკის

მთავრობის თავმჯდომარის

მოვალეობის  შემსრულებელი                                                                 ვ. ყოლბაია