საჯარო სამართლის იურიდიული პირის – სოციალური მომსახურების სააგენტოს მიერ სახელმწიფო შესყიდვების გამარტივებული შესყიდვის საშუალებით განხორციელების შესახებ

საქართველოს მთავრობის

განკარგულება №448

2014 წლის 18 მარტი

ქ. თბილისი

საჯარო სამართლის იურიდიული პირის – სოციალური მომსახურების სააგენტოს მიერ სახელმწიფო შესყიდვების გამარტივებული შესყიდვის საშუალებით განხორციელების შესახებ

    „სახელმწიფო შესყიდვების შესახებ“ საქართველოს კანონის 10¹ მუხლის მე‑3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარების მიზნით, საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებულმა სსიპ – სოციალური მომსახურების სააგენტომ „საყოველთაო ჯანდაცვაზე გადასვლის მიზნით გასატარებელ ზოგიერთ ღონისძიებათა შესახებ“ საქართველოს მთავრობის 2013 წლის 21 თებერვლის №36 დადგენილებით დამტკიცებული „საყოველთაო ჯანმრთელობის დაცვის სახელმწიფო პროგრამის“ 23‑ე მუხლის 4¹ პუნქტით განსაზღვრული მკაცრი აღრიცხვის დოკუმენტის (მოსარგებლის თანხმობის ფორმა) ბეჭდვასთან დაკავშირებით საჭირო მომსახურების შესყიდვა 2014 წლის 1 აპრილამდე განახორციელოს გამარტივებული შესყიდვის საშუალებით „საქართველოს 2014 წლის სახელმწიფო ბიუჯეტის შესახებ“ საქართველოს კანონით „მოსახლეობის საყოველთაო ჯანმრთელობის დაცვა“ პროგრამისათვის (პროგრამული კოდი – 35 03 02) გათვალისწინებულ ასიგნებათა ფარგლებში, ხოლო 2014 წლის 1 აპრილის შემდეგ „სახელმწიფო შესყიდვების შესახებ“ საქართველოს კანონის შესაბამისად.

პრემიერ-მინისტრი      ირაკლი ღარიბაშვილი