საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს მიერ ზოგიერთი ღონისძიების განხორციელების თაობაზე

საქართველოს მთავრობის

განკარგულება №710

2012 წლის 24 აპრილი

ქ. თბილისი

საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს მიერ ზოგიერთი ღონისძიების განხორციელების თაობაზე

1. საქართველოს სასჯელაღსრულების, პრობაციისა და იურიდიული დახმარების საკითხთა სამინისტრომ „საქართველოს 2012 წლის სახელმწიფო ბიუჯეტის შესახებ“ საქართველოს კანონით მისთვის გათვალისწინებული ასიგნებების ფარგლებში მოიძიოს 3 600 000 (სამი მილიონ ექვსასი ათასი) ლარი შემდეგი ღონისძიებების დასაფინანსებლად:

ა) 1 300 000 (ერთი მილიონ სამასი ათასი) ლარი – №19 ტუბერკულოზის სამკურნალო და სარეაბილიტაციო ცენტრის ახალი კორპუსის ინფრასტრუქტურის მოწყობის, მათ შორის, საერთაშორისო სტანდარტებით დადგენილი თანამედროვე სამედიცინო აპარატურის შესაძენად;

ბ) 1 300 000 (ერთი მილიონ სამასი ათასი) ლარი – რეგიონებში განთავსებულ სასჯელაღსრულების დაწესებულებებთან ექვსი საზოგადოებრივი მისაღების მშენებლობის, გარე ინფრასტრუქტურის, კომუნიკაციებისა და მიმდებარე ტერიტორიების მოწყობის ხარჯების დასაფინანსებლად;

გ) 1 000 000 (ერთი მილიონი) ლარი – სასჯელაღსრულების არსებული დაწესებულებების რეკონსტრუქცია-რემონტისა და აუცილებელი მანქანა-დანადგარების შესაძენად.

2. საქართველოს ფინანსთა სამინისტრომ „საქართველოს 2012 წლის სახელმწიფო ბიუჯეტის შესახებ“ საქართველოს კანონში ცვლილებების შეტანის დროს გაითვალისწინოს შესაბამისი ასიგნებების გამოყოფა საქართველოს სასჯელაღსრულების, პრობაციისა და იურიდიული დახმარების საკითხთა სამინისტროსათვის.

პრემიერ-მინისტრი                                                                      ნ. გილაური