„გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის N996 ბრძანებაში ცვლილების შეტანის თაობაზე

       „შენიშვნა:

       1. იმ  შემთხვევაში,  თუ  აუცილებელი  გახდება  დეკლარაციის სტრიქონებში მითითებული ლოგიკური ფორმულისაგან ან შინაარსისაგან განსხვავებული მონაცემების   შეტანა,   გადასახადის   გადამხდელი   ვალდებულია   მიუთითოს მიზეზი.

       2. დანართის 1 - 3  სტრიქონებში დაფიქსირებული მონაცემები შესაძლებელია არ შეადგენდეს ამ სტრიქონების მიხედვით ჩაშლილი სტრიქონების ჯამს.

       3. 1-13 სტრიქონების ჯამი (სვეტი 5) გადაიტანება მოგების გადასახადის დეკლარაციის III ნაწილის მე-15 სტრიქონში.

      4. დანართის 6.1.-6.3 სტრიქონები არის საინფორმაციო ხასიათის.“;

       „1. მოგების გადასახადის დეკლარაცია  შედგება ძირითადი ნაწილისა და დანართებისაგან. დანართები დეკლარაციის  განუყოფელი  ნაწილია   და   მისი   წარდგენა  სავალდებულოა  იმ გადასახადის გადამხდელთათვის, რომელთა საანგარიშო წლის ერთობლივი შემოსავალი ან ხარჯები (ასევე, შეძენები) 5 მლნ  და  მეტ  ლარს  შეადგენს.  ტოტალიზატორის  მომწყობი  პირი,  რომელიც საქართველოს საგადასახადო კოდექსის 309-ე მუხლის მე-16 ნაწილის შესაბამისად მოგების გადასახადს იხდის ამ საქმიანობის მიხედვით განსაზღვრული ერთობლივი შემოსავლიდან, დეკლარაციის III ნაწილში ვალდებულია შეავსოს მხოლოდ  მე-16 და მე-40 სტრიქონები.“;

       „1¹.  ამ მუხლის პირველი პუნქტის მიუხედავად, საჯარო სამართლის იურიდიული პირები თავისუფლდებიან მოგების გადასახადის დეკლარაციის წარმოდგენისას დეკლარაციის დანართების შევსების ვალდებულებისაგან.“;  

       „18. დეკლარაციის დანართ „კ“-ში და დეკლარაციის დანართ „ლ“-ში შეიტანება მონაცემები საწარმოს საბალანსო მონაცემებიდან (ბუღალტრული აღრიცხვის საერთაშორისო სტანდარტების შესაბამისად) გამომდინარე. ამასთან, ლიცენზირებულ ფინანსურ ინსტიტუტებს უფლება აქვთ აღნიშნული „კ“ და „ლ“ დანართების ნაცვლად შეავსონ „კ¹“ და „ლ¹“ დანართები.“;

„19. დეკლარაციის დანართი „კ¹“ და დეკლარაციის დანართი „ლ¹“ შეიძლება შეივსოს მხოლოდ ლიცენზირებული ფინანსური ინსტიტუტების მიერ.“.