დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | სვანეთის რეგიონის განვითარებისა და მესტიის მუნიციპალიტეტში ტურისტული ინფრასტრუქტურის შექმნის მიზნით მიმდინარე პროექტების განხორციელების გადაუდებელ ღონისძიებათა შესახებ | |
|---|---|
| დოკუმენტის ნომერი | 1121 |
| დოკუმენტის მიმღები | საქართველოს მთავრობა |
| მიღების თარიღი | 13/06/2012 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | გამოუქვეყნებელი, 13/06/2012 |
| სარეგისტრაციო კოდი | 000000000.00(0).000.000000 |
საქართველოს მთავრობის
განკარგულება №1121
2012 წლის 13 ივნისი
ქ. თბილისი
სვანეთის რეგიონის განვითარებისა და მესტიის მუნიციპალიტეტში ტურისტული ინფრასტრუქტურის შექმნის მიზნით მიმდინარე პროექტების განხორციელების გადაუდებელ ღონისძიებათა შესახებ
1. „ტყითსარგებლობის წესის დამტკიცების შესახებ“ საქართველოს მთავრობის 2010 წლის 20 აგვისტოს №242 დადგენილებით დამტკიცებული „ტყითსარგებლობის წესის“ მე-4 მუხლის მე-2 პუნქტისა და მე-10 მუხლის მე-6 პუნქტის შესაბამისად, სვანეთის რეგიონის განვითარებისა და მესტიის მუნიციპალიტეტში ტურისტული ინფრასტრუქტურის შექმნის მიზნით მიმდინარე პროექტების განხორციელების უზრუნველსაყოფად, საქართველოს ენერგეტიკისა და ბუნებრივი რესურსების სამინისტროს საჯარო სამართლის იურიდიულმა პირმა – ბუნებრივი რესურსების სააგენტომ უზრუნველყოს მესტიის სატყეო უბანში 3 500 (სამი ათას ხუთასი) მ3 შესაბამისი მერქნული (სამასალე) რესურსის მისაღებად საჭირო ტყეკაფის (I ხარისხის ხეები) გამოყოფა მესტიის მუნიციპალიტეტის გამგეობისათვის.
2. მესტიის მუნიციპალიტეტის გამგეობამ ზემოაღნიშნული 3 500 მ3 მერქნული რესურსის დამზადების შედეგად მიღებული სათბობი შეშა გამოიყენოს ადგილობრივი მოსახლეობის სოციალური მოთხოვნების დასაკმაყოფილებლად.
3. საქართველოს ენერგეტიკისა და ბუნებრივი რესურსების სამინისტროს საჯარო სამართლის იურიდიულმა პირმა – ბუნებრივი რესურსების სააგენტომ, ამ განკარგულების პირველი პუნქტის შესაბამისად, უსასყიდლოდ უზრუნველყოს დადგენილი წესით ტყეკაფ(ებ)ის მონიშვნა მესტიის მუნიციპალიტეტის გამგეობისათვის.
პრემიერ-მინისტრი ნიკა გილაური
დოკუმენტის კომენტარები