„საქართველოში წარმოებული და იმპორტირებული ვეტერინარული დანიშნულების პრეპარატების (საშუალებების)სახელმწიფო რეგისტრაციის, ხელახალი რეგისტრაციის, ან რეგისტრაციის გაუქმებისა და ხარისხის/უსაფრთხოების კონტროლის წესის დამტკიცების შესახებ“ საქართველოს სოფლის მეურნეობის მინისტრის 2010 წლის 25 იანვრის N2-8 ბრძანებაში ცვლილების შეტანის თაობაზე

 „6. სარეგისტრაციო მოწმობა – ვეტერინარული დანიშნულების პრეპარატის სახელმწიფო რეგისტრაციის ეროვნული რეჟიმით რეგისტრაციის დამადასტურებელი დოკუმენტი.“;

„15. ვადაგასული ვეტერინარული დანიშნულების პრეპარატი –  ფარმაკოპეის სტანდარტით, დადგენილი სტანდარტით ან სხვა ნორმატიული აქტით გათვალისწინებული ვარგისიანობის ვადაგასული პრეპარატი.

16. უვარგისად მიჩნეული ვეტერინარული დანიშნულების პრეპარატი –ორგანოლეპტიკური მაჩვენებლების, ჰერმეტულობის,  პირველადი შეფუთვის  დარღვევის და სხვა  დეფექტის ნიშნის მქონე პრეპარატი.

17. ფალსიფიცირებული ვეტერინარული დანიშნულების პრეპარატი - დადგენილი შემადგენლობის, ან/და მწარმოებელთან დაკავშირებით  მიზანმიმართულად არასწორად ეტიკეტირებული ვეტერინარული დანიშნულების პრეპარატი. 

18. უფლებამოსილი პირი - ვეტერინარული დანიშნულების პრეპარატების ხარისხის/უსაფრთხოების კონტროლის განმახორციელებელი პირი.

19. ვეტერინარული დანიშნულების პრეპარატის ხარისხი - ვეტერინარული დანიშნულების პრეპარატის ხარისხის მაჩვენებლების შესაბამისობა სტანდარტით განსაზღვრულ მაჩვენებლებთან.

20. უსაფრთხო ვეტერინარული დანიშნულების პრეპარატი - პრეპარატი, რომლის გამოყენება არ წარმოადგენს ცხოველის ჯანმრთელობისათვის ან სიცოცხლისათვის საფრთხეს“.

„მუხლი 9. ვეტერინარული დანიშნულების პრეპარატების ხარისხის/უსაფრთხოების კონტროლი

1. ვეტერინარული დანიშნულების პრეპარატების ხარისხის/უსაფრთხოების კონტროლს ახორციელებს სააგენტო.

2. სააგენტოს მიერ ვეტერინარული დანიშნულების პრეპარატების ხარისხის/უსაფრთხოების კონტროლი ხორციელდება საქართველოს სოფლის მეურნეობის მინისტრის ბრძანებით დამტკიცებული სახელმწიფო  კონტროლის წლიური პროგრამის საფუძველზე.

3. ვეტერინარული დანიშნულების პრეპარატების უსაფრთხოების კონტროლი მოიცავს ფალსიფიცირებული, არარეგისტრირებული, ვადაგასული ან/და უვარგისად მიჩნეული ვეტერინარული დანიშნულების პრეპარატების გამოვლენას, რეალიზაციის აღკვეთას,   ვეტერინარული დანიშნულების პრეპარატების   შენახვის დადგენილი წესების დაცვის კონტროლს, რის შემდეგაც უფლებამოსილი პირის მიერ დგება შემოწმების აქტი (დანართი N2) .

4. ვეტერინარული დანიშნულების პრეპარატების ხარისხის კონტროლი მოიცავს სავაჭრო ობიექტებში ნიმუშის აღებას (შეძენას) ლაბორატორიული გამოკვლევისათვის.

5. ნიმუშის აღების დროს დგება  ვეტერინარული დანიშნულების პრეპარატების ნიმუშის აღების აქტი (დანართი N3).

6. ვეტერინარული დანიშნულების პრეპარატის ნიმუში  იგზავნება აკრედიტებულ ლაბორატორიაში, რისთვისაც უფლებამოსილი პირი ადგენს  ვეტერინარული დანიშნულების პრეპარატების ნიმუშის ლაბორატორიულ გამოკვლევაზე მიმართვას (დანართი N4).“

„მუხლი 10. ვეტერინარული დანიშნულების პრეპარატების ხარისხის/უსაფრთხოების კონტროლს დაქვემდებარებული ობიექტები

ვეტერინარული დანიშნულების პრეპარატების ხარისხის/უსაფრთხოების კონტროლს დაქვემდებარებული ობიექტებია:

ა) ვეტერინარული დანიშნულების პრეპარატების დამამზადებელი საწარმო;

ბ) ვეტერინარული დანიშნულების პრეპარატების საბითუმო  ვაჭრობის ობიექტი;

გ) ვეტერინარული აფთიაქი;

დ) ვეტერინარული სამკურნალო (კლინიკა);

ე) ზოომაღაზია;

ვ) ვეტერინარულ-კოსმეტიკური კაბინეტი.

მუხლი 11. ვეტერინარული დანიშნულების პრეპარატების  განადგურება

1. არარეგისტრირებული, ვადაგასული, უვარგისად მიჩნეული ან/და ფალსიფიცირებული ვეტერინარული დანიშნულების პრეპარატები ნადგურდება სააგენტოს უფლებამოსილი პირის ზედამხედველობით, რაზეც დგება ვეტერინარული დანიშნულების პრეპარატების განადგურების აქტი (დანართი N 5).

2. ვეტერინარული დანიშნულების პრეპარატების  განადგურების მეთოდებია:

ა) ბიოლოგიური პრეპარატების – თანმხლები ან არსებული ინსტრუქციის შესაბამისად, დაწვით ან ბეკარის ორმოში მოთავსებით;

ბ) ქიმიურ-ფარმაცევტული   და სხვა პრეპარატების - დაწვით.

3. დაწვა ხორციელდება კანონმდებლობით დადგენილი წესით განსაზღვრულ ადგილებში. დაწვა შეიძლება სპეციალურ ღუმელში.

4. გასანადგურებელი ვეტერინარული დანიშნულების პრეპარატების მფლობელ(ებ)ი ვალდებული არიან უზრუნველყონ გასანადგურებელი პრეპარატების შენახვა იზოლირებულად,  საკუთარი ხარჯით გადაზიდვა განადგურების ადგილამდე და განადგურება.

მუხლი 12. რეფერენტული (შედარებითი) ექსპერტიზის  ჩატარება

1. რეფერენტული (შედარებითი) ექსპერტიზა ტარდება იმ შემთხვევაში, თუ რომელიმე მხარე არ ეთანხმება ლაბორატორიული ექსპერტიზის შედეგებს.

2. რეფერენტული (შედარებითი) ექსპერტიზის ჩასატარებლად მხარეთა შეთანხმებით შეირჩევა:

ა) სხვა აკრედიტებული ლაბორატორია;

ბ) სხვა ქვეყნის საერთაშორისო აკრედიტაციის მქონე ლაბორატორია.

3. რეფერენტული (შედარებითი) ექსპერტიზის დასკვნა საბოლოოა.

4.რეფერენტული (შედარებითი) ექსპერტიზის იმ ხარჯებს, რომლებიც დაკავშირებულია ამ მუხლით განსაზღვრული ფუნქციების შესრულებასთან, ფარავს მოდავე მხარე.

5. თუ რეფერენტული (შედარებითი) ექსპერტიზით დადასტურდება ერთ-ერთი მხარის არგუმენტების სისწორე, მეორე მხარეს ეკისრება ამ მუხლის მე-4 პუნქტით გათვალისწინებული პროცედურისათვის გაწეული ხარჯების ანაზღაურება.“

მუხლი 13. პასუხისმგებლობა

ვეტერინარული დანიშნულების პრეპარატების ხარისხის/უსაფრთხოების  წესების დარღვევა გამოიწვევს საქართველოს კანონმდებლობით განსაზღვრულ პასუხისმგებლობას.“.

აქტი შედგენილია 2 (ორ) ეგზემპლარად

ვეტერინარული დანიშნულების პრეპარატების მიმღები ლაბორატორიის დასახელება---------------------------------------

ვეტერინარული დანიშნულების პრეპარატების ლაბორატორიაში ჩაბარების თარიღი----------------------------------------

ვეტერინარული დანიშნულების პრეპარატების გამოკვლევის მიზანი----------------------------------------------------

უფლებამოსილი პირის სახელი, გვარი,

ხელმოწერა--------------------------------------------------

ვეტერინარული დანიშნულების პრეპარატების მიმღების სახელი, გვარი,

ხელმოწერა---------------------------------------------------------------