სსიპ – სურსათის ეროვნული სააგენტოსთვის თანხის გამოყოფის შესახებ

საქართველოს მთავრობის

განკარგულება №631

2012 წლის 5 აპრილი

ქ. თბილისი

სსიპ – სურსათის ეროვნული სააგენტოსთვის თანხის გამოყოფის შესახებ

 1. საქართველოს სოფლის მეურნეობის სამინისტრომ უზრუნველყოს „საქართველოს 2012 წლის სახელმწიფო ბიუჯეტის შესახებ“ საქართველოს კანონით ქვეპროგრამა ,,სასოფლო-სამეურნეო წარმოების ინტენსიფიკაციის“ (პროგრამული კოდი – 37 01 13) ასიგნებებიდან 60 000 (სამოცი ათასი) ლარის სსიპ – სურსათის ეროვნული სააგენტოსათვის გამოყოფა მის სარგებლობაში არსებული შენობის სარემონტო სამუშაოების საპროექტო მომსახურების შესასყიდად.

 2. საქართველოს ფინანსთა სამინისტრომ საქართველოს სოფლის მეურნეობის სამინისტროს წინადადების საფუძველზე, უზრუნველყოს ცვლილების განხორციელება საქართველოს სოფლის მეურნეობის სამინისტროს 2012 წლის ბიუჯეტში.

 3 „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიებების შეზღუდულ ვადებში შეუფერხებლად ჩატარების მიზნით, სსიპ – სურსათის ეროვნულმა სააგენტომ თავის სარგებლობაში არსებული შენობის სარემონტო სამუშაოების საპროექტო მომსახურების სახელმწიფო შესყიდვა განახორციელოს გამარტივებული შესყიდვის საშუალებით.

პრემიერ-მინისტრი                                                   ნ. გილაური