საქართველოს ოკუპირებული ტერიტორიებიდან იძულებით გადაადგილებულ პირთა – დევნილთა ოჯახების სოციალური მდგომარეობის გაუმჯობესების

საქართველოს მთავრობის

განკარგულება №262

2012 წლის 14 თებერვალი

ქ. თბილისი

საქართველოს ოკუპირებული ტერიტორიებიდან იძულებით გადაადგილებულ პირთა – დევნილთა ოჯახების სოციალური მდგომარეობის გაუმჯობესების

1. ქ. გორში, ყოფილი სისხლის გადასხმის ცენტრში მცხოვრები საქართველოს ოკუპირებული ტერიტორიებიდან იძულებით გადაადგილებულ პირთა – დევნილთა 14 ოჯახისათვის ბუნებრივი აირის მიწოდებისა და მომსახურების მიზნით საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრომ „საქართველოს 2012 წლის სახელმწიფო ბიუჯეტის შესახებ“ საქართველოს კანონით მისთვის გამოყოფილი ასიგნებებიდან (პროგრამული კოდი – 34 02 01) მიმართოს 7 947 (შვიდი ათას ცხრაას ორმოცდაშვიდი) ლარი, საიდანაც:

ა) დევნილთა ოჯახების აბონენტებად რეგისტრაციისა და ახალი მომხმარებლის გამანაწილებელ ქსელზე მიერთების (შეჭრა-მონტაჟის) საფასურის გადახდისათვის – 560 (ხუთას სამოცი) ლარი;

ბ) შიდა დაქსელვითი სამუშაოების განხორციელებისათვის – 7 387 (შვიდი ათას სამას ოთხმოცდაშვიდი) ლარი .

2. ამ განკარგულების პირველი პუნქტის „ა“ ქვეპუნქტით განსაზღვრული ბუნებრივი აირის მიწოდებისა და მომსახურების მიზნით აბონენტად რეგისტრაციისა და ახალი მომხმარებლის გამანაწილებელ ქსელზე მიერთების (შეჭრა-მონტაჟის) საფასურის ანაზღაურება განხორციელდეს „ ბუნებრივი გაზის მიწოდებისა და მოხმარების წესების დამტკიცების შესახებ“ საქართველოს ენერგეტიკისა და წყალმომარაგების ეროვნული კომისიის 2009 წლის 9 ივლისის № 12 დადგენილებით დამტკიცებული „ბუნებრივი გაზის მიწოდებისა და მოხმარების წესების“ მე‑ 19 მუხლის მე‑ 17 პუნქტის „ ა.გ“ ქვეპუნქტის შესაბამისად (ერთ ოჯახზე (აბონენტი) ერთჯერადად 40 (ორმოცი) ლარის ოდენობით) .

3. საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრომ, ამ განკარგულების მე-2 პუნქტით განსაზღვრული ლიმიტის ფარგლებში, ცენტრალიზებულად განახორციელოს ახალი მომხმარებლის გამანაწილებელ ქსელზე მიერთების (შეჭრა-მონტაჟის) საფასურის ანაზღაურება ბუნებრივი აირის მიმწოდებელი კომპანიებისათვის.

4. „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრომ, ამ განკარგულების პირველი პუნქტის „ბ“ ქვეპუნქტით გათვალისწინებულ ღონისძიებათა შეზღუდულ ვადებში განხორციელების მიზნით, საჭირო საქონლისა და მომსახურების სახელმწიფო შესყიდვები განახორციელოს გამარტივებული შესყიდვის საშუალებით .

5. საქართველოს ფინანსთა სამინისტრომ ამ განკარგულების პირველი პუნქტით განსაზღვრული ღონისძიებების უზრუნველსაყოფად განახორციელოს შესაბამისი ცვლილება „საქართველოს 2012 წლის სახელმწიფო ბიუჯეტის შესახებ“ საქართველოს კანონით საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროსათვის გამოყოფილ ასიგნებებში.

პრემიერ-მინისტრი                                        ნ. გილაური