ქ. თბილისის მერიის საჯარო სამართლის იურიდიული პირის – ქალაქ თბილისის არქიტექტურის სამსახურის მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ

საქართველოს მთავრობის

განკარგულება №256

2012 წლის 14 თებერვალი

ქ. თბილისი

ქ. თბილისის მერიის საჯარო სამართლის იურიდიული პირის – ქალაქ თბილისის არქიტექტურის სამსახურის მიერ სახელმწიფო შესყიდვის  გამარტივებული შესყიდვის საშუალებით განხორციელების შესახებ

1. „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, ქ. თბილისის თვითმმართველი ერთეულისა და საზოგადოებრივი ინტერესების გათვალისწინებით, ქ. თბილისის მერიის საჯარო სამართლის იურიდიულმა პირმა – ქალაქ თბილისის არქიტექტურის სამსახურმა ქ. თბილისის ტერიტორიაზე მნიშვნელოვანი ობიექტების ესკიზური პროექტების, სხვა არქიტექტურული და საპროექტო მომსახურებათა სახელმწიფო შესყიდვა განახორციელოს გამარტივებული შესყიდვის საშუალებით .

2. ამ განკარგულების პირველი პუნქტით გათვალისწინებულ მომსახურებათა სახელმწიფო შესყიდვა განხორციელდეს 2012 წლის ქ. თბილისის ადგილობრივი ბიუჯეტით ქ. თბილისის მერიის სსიპ – ქალაქ თბილისის არქიტექტურის სამსახურისათვის გამოყოფილ ასიგნებათა ფარგლებში და ქ. თბილისის მერიის სსიპ – ქალაქ თბილისის არქიტექტურის სამსახურის საკუთარი შემოსავლებით.

3. ქ. თბილისის მერიის სსიპ – ქალაქ თბილისის არქიტექტურის სამსახურმა ამ განკარგულების პირველი პუნქტით განსაზღვრული შესყიდვა განახორციელოს საავანსო თანხასთან დაკავშირებული საბანკო გარანტიის გარეშე.

პრემიერ-მინისტრი                                           ნ. გილაური