დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
| „საქართველო – აღმოსავლეთ-დასავლეთის ჩქაროსნული ავტომაგისტრალის“ პროექტთან დაკავშირებით საქართველოსა და ევროპის საინვესტიციო ბანკს შორის დაფინანსების ხელშეკრულების გაფორმების და ევროკავშირის მიერ საქართველოსათვის გრანტის გამოყოფის შესახებ საქართველოს ფინანსთა სამინისტროს ინფორმაციის თაობაზე | |
|---|---|
| დოკუმენტის ნომერი | 806 |
| დოკუმენტის მიმღები | საქართველოს მთავრობა |
| მიღების თარიღი | 30/04/2012 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | გამოუქვეყნებელი, 30/04/2012 |
| სარეგისტრაციო კოდი | 000000000.00.00.000000 |
ს აქართველოს მთ ავრობის
განკარგულება №806
2012 წლის 30 აპრილი
ქ. თბილისი
„საქართველო – აღმოსავლეთ-დასავლეთის ჩქაროსნული ავტომაგისტრალის“ პროექტთან დაკავშირებით საქართველოსა და ევროპის საინვესტიციო ბანკს შორის დაფინანსების ხელშეკრულების გაფორმების და ევროკავშირის მიერ საქართველოსათვის გრანტის გამოყოფის შესახებ საქართველოს ფინანსთა სამინისტროს ინფორმაციის თაობაზე
1. მოწონებულ იქნეს საქართველოსა და ევროპის საინვესტიციო ბანკს შორის გასაფორმებელი დაფინანსების ხელშეკრულების პროექტი „საქართველო – აღმოსავლეთ-დასავლეთის ჩქაროსნული ავტომაგისტრალი -A“.
2. „სახელმწიფო ვალის შესახებ“ საქართველოს კანონის მე-2 მუხლის შესაბამისად, ეთხოვოს საქართველოს პრეზიდენტს თანხმობა საქართველოსა და ევროპის საინვესტიციო ბანკს შორის „საქართველო – აღმოსავლეთ-დასავლეთის ჩქაროსნული ავტომაგისტრალი -A“ დაფინანსების ხელშეკრულების დადების თაობაზე (170 000 000 მილიონი ევროს ოდენობის სესხი) შემდეგი ფინანსური პირობებით :
| სესხის ხანგრძლივობა | 30 წელი |
| შეღავათიანი პერიოდი | 10 წელი |
| სესხის საპროცენტო განაკვეთი (თითოეული ტრანშისთვის განისაზღვრება ტრანშის ჩამორიცხვამდე) | EURIBOR-ზე დაფუძნებული ცვლადი საპროცენტო განაკვეთი ან ფიქსირებული საპროცენტო განაკვეთი |
| საპროცენტო მარჟა | ცვლადი, რომელიც ფიქსირდება თითოეული ტრანშის მიღებისას |
| ადმინისტრირების გადასახადი | 50,000 ევრო (ერთჯერადი გადასახადი). |
3. მიღებულ იქნეს ცნობად საქართველოს ფინანსთა სამინისტროს ინფორმაცია ევროკავშირის მიერ „საქართველო – აღმოსავლეთ-დასავლეთის ჩქაროსნული ავტომაგისტრალის“ პროექტთან დაკავშირებით საქართველოს მთავრობისთვის 20 მილიონი ევროს ოდენობის გრანტის გამოყოფის შესახებ.
4. „გრანტების შესახებ“ საქართველოს კანონის შესაბამისად, საქართველოს რეგიონული განვითარებისა და ინფრასტრუქტურის სამინისტრო განისაზღვროს ამ განკარგულების მე-3 პუნქტით გათვალისწინებული გრანტის მიმღებ ორგანოდ.
პრემიერ-მინისტრი ნ. გილაური
უკან დაბრუნება
დოკუმენტის კომენტარები