დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | საქართველოს სპორტისა და ახალგაზრდობის საქმეთა სამინისტროს მიერ ზოგიერთი ღონისძიების განხორციელების შესახებ | |
|---|---|
| დოკუმენტის ნომერი | 515 |
| დოკუმენტის მიმღები | საქართველოს მთავრობა |
| მიღების თარიღი | 23/03/2012 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | გამოუქვეყნებელი, 23/03/2012 |
| სარეგისტრაციო კოდი | 000000000.00(0).000.000000 |
საქართველოს მთავრობის
განკარგულება №515
2012 წლის 23 მარტი
ქ. თბილისი
საქართველოს სპორტისა და ახალგაზრდობის საქმეთა სამინისტროს მიერ ზოგიერთი ღონისძიების განხორციელების შესახებ
1. საქართველოს სპორტისა და ახალგაზრდობის საქმეთა სამინისტრომ „საქართველოს 2012 წლის სახელმწიფო ბიუჯეტის შესახებ“ საქართველოს კანონით მისთვის გამოყოფილი ასიგნებებიდან 400 000 (ოთხასი ათასი) ევროს ეკვივალენტი ლარის ფარგლებში განახორციელოს ქართველი ფეხბურთის მწვრთნელებისათვის 2012 წლის განმავლობაში საერთაშორისო დონის სასწავლო კურსების ჩატარებასთან დაკავშირებით საზღვარგარეთის ქვეყნებიდან მოწვეული სპეციალისტების (სასწავლო კურსების წამყვანი პირების) მომსახურების ანაზღაურების, მგზავრობის, სასტუმროს, ადგილზე ტრანსპორტირების, აგრეთვე აღნიშნული კურსების ჩასატარებლად შესაბამისი მოწყობილობების, ინვენტარისა და აღჭურვილობის შეძენის, სალექციო კურსის ჩანაწერების ქართულ ენაზე თარგმნის, რედაქტირებისა და გამოშვების უზრუნველყოფის, თარჯიმანთა მომსახურების, ასევე ამავე კურსებთან დაკავშირებული სხვა საჭირო ხარჯებისა და საქართველოს კანონმდებლობით გათვალისწინებული გადასახადების დაფარვა.
2. საჭიროების შემთხვევაში საქართველოს ფინანსთა სამინისტრომ „საქართველოს 2012 წლის სახელმწიფო ბიუჯეტის შესახებ“ საქართველოს კანონში ცვლილებების შეტანის დროს გაითვალისწინოს დამატებითი ასიგნებების გამოყოფის საკითხი საქართველოს სპორტისა და ახალგაზრდობის საქმეთა სამინისტროსათვის.
პრემიერ-მინისტრი ნ. გილაური
დოკუმენტის კომენტარები