დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | სსიპ – საქართველოს მუნიციპალური განვითარების ფონდის მიერ განსახორციელებელი ღონისძიებების შესახებ | |
|---|---|
| დოკუმენტის ნომერი | 801 |
| დოკუმენტის მიმღები | საქართველოს მთავრობა |
| მიღების თარიღი | 30/04/2012 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | გამოუქვეყნებელი, 30/04/2012 |
| სარეგისტრაციო კოდი | 000000000.00(0).00.000000 |
ს აქართველოს მთ ავრობის
განკარგულება №801
2012 წლის 30 აპრილი
ქ. თბილისი
სსიპ – საქართველოს მუნიციპალური განვითარების ფონდის მიერ განსახორციელებელი ღონისძიებების შესახებ
1. საქართველოს რეგიონული განვითარებისა და ინფრასტრუქტურის სამინისტროს სახელმწიფო კონტროლს დაქვემდებარებულმა საჯარო სამართლის იურიდიულმა პირმა – საქართველოს მუნიციპალური განვითარების ფონდმა უზრუნველყოს:
ა) იმერეთის რეგიონში , დანართით განსაზღვრული კულტურული მემკვიდრეობის ძეგლებისა და მათთან დაკავშირებული ტურისტული ინფრასტრუქტურის სამშენებლო სამუშაოების საპროექტო მომსახურების სახელმწიფო შესყიდვა;
ბ) ამ განკარგულების „ა“ ქვეპუნქტით გათვალისწინებული ღონისძიების დაფინანსება „საქართველოს 2012 წლის სახელმწიფო ბიუჯეტის შესახებ“ საქართველოს კანონით სსიპ – საქართველოს მუნიციპალური განვითარების ფონდისათვის გამოყოფილი „რეგიონული და მუნიციპალური ინფრასტრუქტურის რეაბილიტაციის“ მუხლით (პროგრამული კოდი – 25 03) და „საქართველოს 2012 წლის სახელმწიფო ბიუჯეტის და ნაერთი ბიუჯეტის შემოსავლების, არაფინანსური აქტივების კლებისა და ფინანსური აქტივების კლების კვარტალური განწერის დამტკიცების თაობაზე“ საქართველოს ფინანსთა მინისტრის 2011 წლის 30 დეკემბრის №643 ბრძანებით დამტკიცებული „საქართველოს მუნიციპალური განვითარების ფონდის მიერ განსახორციელებელი პროექტების“ (პროგრამული კოდი – 25 03 01) მუხლით განსაზღვრული ასიგნებებიდან;
გ) სახელმწიფოებრივი და საზოგადოებრივი მნიშვნელობის ღონისძიებების შეზღუდულ ვადებში შეუფერხებლად ჩატარების მიზნით, „სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად, ამ განკარგულების „ა“ ქვეპუნქტით გათვალისწინებული ღონისძიებების სახელმწიფო შესყიდვის გამარტივებული შესყიდვის საშუალებით განხორციელება.
2. საქართველოს ფინანსთა სამინისტრომ „საქართველოს 2012 წლის სახელმწიფო ბიუჯეტის შესახებ“ საქართველოს კანონში ცვლილების შეტანის დროს გაითვალისწინოს ამ განკარგულებით გათვალისწინებული ხარჯების დაფინანსებისათვის საჭირო თანხების სსიპ – საქართველოს მუნიციპალური განვითარების ფონდისათვის გამოყოფის საკითხი.
პრემიერ-მინისტრი ნ. გილაური
დანართი
იმერეთის რეგიონული განვითარების პროექტი
| № | ძეგლის დასახელება | შესასრულებელი სამუშაოები | |
| 1. | ქ. წყალტუბო | 48ჰა პარკის, ბალნეოლოგიურის და 10-15 შენობის ფასადის და სხვა დამხმარე ინფრასტრუქტურის რეაბილიტაცია | |
| 2. | ქ. ვანის არქეოლოგიური მუზეუმი | ვანის არქეოლოგიური მუზეუმის და დამხმარე ინფრასტრუქტურის რეაბილიტაცია | |
| 3. | უბისის მონასტერი | მაღაზიის, სველი წერტილის, პარკინგისა და სხვა დამხმარე ინფრასტრუქტურის მოწყობა | |
| 4. | გელათის სამონასტრო კომპლექსი | კაფის, სველი წერტილის, პარკინგისა და სხვა დამხმარე ინფრასტრუქტურის მოწყობა | |
| 5. | კაცხის ეკლესია | სველი წერტილის, პარკინგის მოწყობა და სხვა დამხმარე ინფრასტრუქტურის რეაბილიტაცია (გალავნის რესტავრაცია, არსებული შენობის ფასადის მოწესრიგება) | |
| 6. | კაცხის სვეტი | სუვენირების მაღაზიის, კაფის, სველი წერტილის, პარკინგისა და და სხვა დამხმარე ინფრასტრუქტურის მოწყობა (არსებული ნაგებობების რესტავრაცია: ეკლესია, კელიები, სამრეკლოს აღდგენა, ლიფტის დამონტაჟება სვეტზე, არსებული კიბის მოწესრიგება) | |
| 7. | გორდი – დადიანების სასახლე | სასახლის პირვანდელ კონტურებში აღდგენა და აგრეთვე ახალი მინაშენის აღდგენა. სასტუმრო უნდა ითვალისწინებდეს 40 ნომერს, რესტორანს, საკონფერენციო დარბაზს, სპა ცენტრს, საგამოფენო სივრცეს. მთლიანი ორსართულიანი შენობის ზომები გარე კონტურზე იქნება სავარაუდოდ 40მX50მ, დაგეგმილია ასევე პარკის აღდგენა-განახლება. | |
დოკუმენტის კომენტარები