დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | ,,ადგილობრივი ინფრასტრუქტურის განვითარების მიზნით ზოგიერთი ღონისძიების განხორციელების თაობაზე“ საქართველოს მთავრობის 2012 წლის 13 ივლისის №1354 განკარგულებაში ცვლილების შეტანის შესახებ | |
|---|---|
| დოკუმენტის ნომერი | 1994 |
| დოკუმენტის მიმღები | საქართველოს მთავრობა |
| მიღების თარიღი | 11/12/2012 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | გამოუქვეყნებელი, 11/12/2012 |
| სარეგისტრაციო კოდი | 000000000.00(0).000.000000 |
საქართველოს მთავრობის
განკარგულება №1994
2012 წლის 11 დეკემბერი
ქ. თბილისი
,,ადგილობრივი ინფრასტრუქტურის განვითარების მიზნით ზოგიერთი ღონისძიების განხორციელების თაობაზე“ საქართველოს მთავრობის 2012 წლის 13 ივლისის №1354 განკარგულებაში ცვლილების შეტანის შესახებ
საქართველოს ზოგადი ადმინისტრაციული კოდექსის 63-ე მუხლის შესაბამისად ,,ადგილობრივი ინფრასტრუქტურის განვითარების მიზნით ზოგიერთი ღონისძიების განხორციელების თაობაზე“ საქართველოს მთავრობის 2012 წლის 13 ივლისის №1354 განკარგულებაში შეტანილ იქნეს ცვლილება და განკარგულების ტექსტი ჩამოყალიბდეს შემდეგი რედაქციით:
„საქართველოს ფინანსთა სამინისტრომ, „საქართველოს 2012 წლის სახელმწიფო ბიუჯეტის შესახებ“ საქართველოს კანონის მე-19 მუხლის მე-3 პუნქტის შესაბამისად, საქართველოს რეგიონებში განსახორციელებელი პროექტების ფონდიდან საქართველოს რეგიონული განვითარებისა და ინფრასტრუქტურის სამინისტროს სსიპ - საქართველოს მუნიციპალური განვითარების ფონდს გამოუყოს 1 145 890 (ერთი მილიონ ას ორმოცდახუთი ათას რვაას ოთხმოცდაათი) ლარი , ადგილობრივი ინფრასტრუქტურის განვითარების მიზნით მსოფლიო ბანკის და აზიის განვითარების ბანკის მიერ გამოყოფილი კრედიტების ფარგლებში განხორციელებული შემდეგი პროექტების თანადაფინანსებისათვის:
ჩოხატაურის მუნიციპალიტეტი - დაბა ჩოხატაურში, დუმბაძის ქუჩისა და მიმდებარე მოედნების სარეაბილიტაციო სამუშაოებისთვის;
ცაგერის მუნიციპალიტეტი - მდინარე ცხენისწყლის ლასურიაშის ხიდთან ( I ეტაპი) ნაპირგამაგრებისათვის;
ოზურგეთის მუნიციპალიტეტი - მამათი-ძიმითის გზის მონაკვეთის რებილიტაციისათვის;
ლანჩხუთის მუნიციპალიტეტი - შუხუთი-აცანა-მამათის გზის მონაკვეთის რებილიტაციისათვის;
გორის, კასპისა და ქარელის მუნიციპალიტეტები - შიდა ქართლის რეგიონში, დევნილთა კომპაქტურ დასახლებებში, საცხოვრებელი სახლების ნესტით დაზიანებული შიდა კედლების რეაბილიტაციისთვის.“.
პრემიერ-მინისტრი ბ . ივანიშვილი
დოკუმენტის კომენტარები