მშენებლობის ნებართვის გამარტივებული წესით გაცემის ღონისძიებათა შესახებ

საქართველოს მთავრობის

განკარგულება №1851

2012 წლის 10 ოქტომბერი

ქ. თბილისი

მშენებლობის ნებართვის გამარტივებული წესით გაცემის ღონისძიებათა შესახებ

1 . „ჰოსპიტალური სექტორის განვითარების გენერალური გეგმის დამტკიცების შესახებ“ საქართველოს მთავრობის 2007 წლის 26 იანვრის №11 დადგენილების, „სახელმწიფო პროგრამების ფარგლებში მოსახლეობის ჯანმრთელობის დაზღვევის მიზნით გასატარებელი ღონისძიებებისა და სადაზღვევო ვაუჩერის პირობების განსაზღვრის შესახებ“ საქართველოს მთავრობის 2009 წლის 9 დეკემბრის №218 დადგენილების საფუძველზე ჩატარებული კონკურსის გათვალისწინებით, საქართველოს პრეზიდენტის შესაბამისი განკარგულებებით გათვალისწინებულ ღონისძიებათა განხორციელების მიზნით, „მშენებლობის ნებართვის გაცემის წესისა და სანებართვო პირობების შესახებ“ საქართველოს მთავრობის 2009 წლის 24 მარტის №57 დადგენილების 39 ‑ე მუხლის მე ‑5 პუნქტის, ასევე 79-ე მუხლის მე-2 პუნქტის „ლ“ ქვეპუნქტის შესაბამისად, სამედიცინო დაზღვევის ჯგუფი სს „არქიმედეს გლობალ ჯორჯიას“ მიერ შექმნილ 15- საწოლიან მრავალპროფილურ საავადმყოფოზე, მდებარე ქ. სენაკში, რუსთაველის ქ. №110‑ ში, გაიცეს მშენებლობის ნებართვა გამარტივებული წესით.

2 . საქართველოს ეკონომიკისა და მდგრადი განვითარების სამინისტროს საჯარო სამართლის იურიდიულმა პირმა – ტექნიკურმა და სამშენებლო ზედამხედველობის სააგენტომ კანონმდებლობით დადგენილი წესით, შეთანხმებული საპროექტო დოკუმენტაციისა და გამოკვლევის შედეგების საფუძველზე უზრუნველყოს ამ განკარგულების პირველ პუნქტში აღნიშნულ ობიექტზე მშენებლობის ნებართვის გამარტივებული წესით გაცემა და მისი ექსპლუატაციაში მიღება.

პრემიერ-მინისტრი   ი . მერაბიშვილი