საქართველოს მთავრობისათვის თავდაცვის სფეროში გამოყოფილი სამედიცინო მარაგებისა და აღჭურვილობის გრანტის სახით მიღებისა და განკარგვის შესახებ

საქართველოს მთავრობის

განკარგულება №1832

2012 წლის 3 ოქტომბერი

ქ. თბილისი

საქართველოს მთავრობისათვის თავდაცვის სფეროში გამოყოფილი სამედიცინო მარაგებისა და აღჭურვილობის გრანტის სახით მიღებისა და განკარგვის შესახებ

1. „აღმასრულებელი ხელისუფლების შესაბამისი დაწესებულებებისა და სახელმწიფო კონტროლს დაქვემდებარებული საჯარო სამართლის იურიდიული პირების მიერ გრანტებთან დაკავშირებით გასატარებელ ღონისძიებათა შესახებ“ საქართველოს მთავრობის 2011 წლის 14 მარტის №126 დადგენილების შესაბამისად, მოწონებულ იქნეს საქართველოს მთავრობასა და ამერიკის შეერთებული შტატების მთავრობას შორის გრანტის ხელშეკრულება „დაჭრილი მებრძოლის შესახებ“.

2. „გრანტების შესახებ“ საქართველოს კანონის მე -4 მუხლის „ბ“ ქვეპუნქტის შესაბამისად, ნება დაერთოს საქართველოს თავდაცვის სამინისტროს, რათა ამერიკის შეერთებული შტატების მიერ საქართველოს მთავრობისათვის თავდაცვის სფეროში გამოყოფილი სამედიცინო მარაგებისა და აღჭურვილობის მიღება და განკარგვა განახორციელოს საქართველოს მთავრობის სახელით .

3. განკარგულება ძალაშია 2012 წლის 25 სექტემბრიდან.

პრემიერ-მინისტრი     ი . მერაბიშვილი