„საქართველოს რეგიონული განვითარებისა და ინფრასტრუქტურის სამინისტროს გამგებლობაში არსებული სახელმწიფო საქვეუწყებო დაწესებულების – საქართველოს საავტომობილო გზების დეპარტამენტის სტრუქტურული ერთეულებისა და ტერიტორიული ორგანოების საჯარო მოსამსახურეთა დამატებითი საკვალიფიკაციო მოთხოვნების დამტკიცების შესახებ“ საქართველოს რეგიონული განვითარებისა და ინფრასტრუქტურის მინისტრის 2009 წლის 3 ნოემბრის №13/ნ ბრძანებაში ცვლილების შეტანის თაობაზე

ა) პირველი მუხლის მე-3 პუნქტი  ჩამოყალიბდეს შემდეგი რედაქციით:

,,3.  თავმჯდომარის მრჩეველი საზოგადოებასთან ურთიერთობის საკითხებში:

ა) უმაღლესი განათლება (სფერო/ფაკულტეტი: PR მენეჯმენტი ან ჟურნალისტიკა; ხარისხი: ბაკალავრი, მაგისტრი ან მაგისტრთან გათანაბრებული);

ბ)  სპეციალობით მუშაობის არანაკლებ 5 წლის სტაჟი;

გ)  უცხო ენის (ინგლისური) – კარგად ცოდნა;

დ) საზოგადოებასთან ურთიერთობის ტექნოლოგიების ფლობა და შესაბამისი გამოცდილება;

ე) შემდეგი კანონმდებლობის ცოდნა:

ე.ა) საქართველოს კონსტიტუცია;

ე.ბ) საქართველოს კანონი ,,საჯარო სამსახურის შესახებ”;

ე.გ) საქართველოს კანონი ,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ”;

ე.დ) საქართველოს ზოგადი ადმინისტრაციული კოდექსი;

ე.ე) საქართველოს კანონი ,,საავტომობილო გზების შესახებ”;

ე.ვ) საქართველოს კანონი ,,საჯარო სამსახურში ინტერესთა შეუთავსებლობისა და კორუფციის შესახებ”;

ე.ზ) საქართველოს კანონი ,,სიტყვისა და გამოხატვის თავისუფლების შესახებ”;

ე.თ) საქართველოს რეგიონული განვითარებისა და ინფრასტრუქტურის მინისტრის 2009 წლის 14 აგვისტოს №8/ნ ბრძანება ,,საქართველოს რეგიონული განვითარებისა და ინფრასტრუქტურის სამინისტროს გამგებლობაში არსებული სახელმწიფო საქვეუწყებო დაწესებულების – საქართველოს საავტომობილო გზების დეპარტამენტის დებულების დამტკიცების შესახებ”;

ვ) საოფისე კომპიუტერული პროგრამების: Microsoft Office Word, Microsoft Office Excel, Outlook Express, Internet Explorer – კარგად ცოდნა;”.

ბ) მე-12 მუხლის მე-7 პუნქტის ,,ბ“ ქვეპუნქტი  ჩამოყალიბდეს შემდეგი რედაქციით:

,,ბ) სპეციალობით მუშაობის არანაკლებ 2 წლის სტაჟი, მათ შორის, საჯარო სამსახურში სპეციალობით მუშაობის არანაკლებ 1 წლის სტაჟი;“.