რუსეთის ფედერაციის სამხედრო აგრესიის შედეგად დაზარალებული ოჯახების სოციალური მდგომარეობის გაუმჯობესების ღონისძიებათა შესახებ

საქართველოს მთავრობის

განკარგულება №64

2012 წლის 18 იანვარი

ქ. თბილისი

რუსეთის ფედერაციის სამხედრო აგრესიის შედეგად დაზარალებული ოჯახების სოციალური მდგომარეობის გაუმჯობესების ღონისძიებათა შესახებ

1. 2008 წლის 6 აგვისტოდან რუსეთის ფედერაციის მიერ საქართველოზე განხორციელებული სამხედრო აგრესიის შედეგად დაზარალებული ოჯახების მიერ (რომლებიც განსახლებული არიან ქ. გორსა და გორის მუნიციპალიტეტის საბავშვო ბაღებში) 2012 წლის 1 იანვრისათვის არსებული ელექტროენერგიის , ბუნებრივი აირისა და წყლის დავალიანების ანაზღაურებისათვის საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრომ „საქართველოს 2012 წლის სახელმწიფო ბიუჯეტის შესახებ“ საქართველოს კანონით მისთვის გამოყოფილი ასიგნებებიდან (პროგრამული კოდი – 34 02 06) მიმართოს 159 639 (ას ორმოცდაცხრამეტი ათას ექვსას ოცდაცხრამეტი) ლარი, კერძოდ:

ა) ელექტროენერგიის დავალიანების ანაზღაურების მიზნით – 21 654 ლარი;

ბ) ბუნებრივი აირის დავალიანების ანაზღაურების მიზნით – 10 606 ლარი;

გ) წყლის დავალიანების ანაზღაურების მიზნით – 127 379 ლარი.

2 . საქართველოს ფინანსთა სამინისტრომ ამ განკარგულების პირველი პუნქტით განსაზღვრული ღონისძიებების უზრუნველსაყოფად განახორციელოს შესაბამისი ცვლილებები „საქართველოს 2012 წლის სახელმწიფო ბიუჯეტის შესახებ“ საქართველოს კანონით საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროსათვის გამოყოფილ ასიგნებებში.

 პრემიერ-მინისტრი                                ნ. გილაური