საქართველოს კულტურისა და ძეგლთა დაცვის მინისტრის 2013 წლის 11 ივნისის №03/90 ბრძანების დანართი №1-ში ცვლილების შეტანის თაობაზე

საქართველოს კულტურისა და ძეგლთა დაცვის მინისტრის

ბრძანება №03/59

2014 წლის 5 მარტი

ქ. თბილისი

საქართველოს კულტურისა და ძეგლთა დაცვის მინისტრის 2013 წლის 11 ივნისის №03/90 ბრძანების დანართი №1-ში ცვლილების შეტანის თაობაზე

„საქართველოს ზოგადი ადმინისტრაციული კოდექსის” 63-ე მუხლის თანახმად, ვბრძანებ:

მუხლი 1. კულტურული მემკვიდრეობის თვალსაზრისით ღირებული ობიექტებისათვის კულტურული მემკვიდრეობის უძრავი ძეგლის სტატუსის მინიჭების თაობაზე საქართველოს კულტურისა და ძეგლთა დაცვის მინისტრის 2013 წლის 11 ივნისის №03/90 ბრძანების დანართი №1-ში შეტანილ იქნეს შემდეგი სახის ცვლილება:

დანართი №1-ში შეტანილი რიგითი ნომერი 7 - ქ. თელავში, გურამიშვილის ქ. №13-ში მდებარე საცხოვრებელი სახლის აგების თარიღი 'XX საუკუნის 20-იანი წლები', შეიცვალოს შემდეგი რედაქციით – „XIX საუკუნის 20-იანი წლები' და ჩამოყალიბდეს ამ ბრძანების დანართის შესაბამისად.

მუხლი 2. დაევალოს კულტურული მემკვიდრეობის სტრატეგიის, ორგანიზაციების კოორდინაციისა და ნებართვების დეპარტამენტს ამ ბრძანების ამოქმედებიდან 1 თვის ვადაში, ბრძანების პირველ პუნქტში მითითებული ობიექტის მონაცემების სამინისტროს ინტერნეტ-გვერდზე ასახვა.

მუხლი 3. ბრძანება ამოქმედდეს გამოქვეყნებისთანავე.

 ბრძანება შეიძლება გასაჩივრდეს გამოქვეყნებიდან ერთი თვის ვადაში საქართველოს მთავრობაში (მისამართი: ქ. თბილისი, პავლე ინგოროყვას ქუჩა №7).

მინისტრი                                                                                                   მირიანე ოდიშარია

დანართი