„პატიმრობისა და თავისუფლების აღკვეთის აღსრულების სისტემის ორგანოთა მოსამსახურეების სამსახურებრივი მოწმობის ფორმის დამტკიცების შესახებ“ საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2013 წლის 1 მარტის №48 ბრძანებაში ცვლილების შეტანის თაობაზე

„იარაღის შესახებ“ საქართველოს კანონის მე-9 მუხლის მე-2 პუნქტის „დ¹“ ქვეპუნქტის, „იმ თანამდებობის პირთა თანამდებობრივი ნუსხის დამტკიცების შესახებ, რომელთაც უფლება აქვთ ატარონ სამსახურებრივ-საშტატო იარაღი“ საქართველოს პრეზიდენტის 2003 წლის 27 ოქტომბრის №538 ბრძანებულების მე-2 პუნქტის, საქართველოს მთავრობის 2014 წლის 10 თებერვლის №137 დადგენილებით დამტკიცებული „პატიმრობისა და თავისუფლების აღკვეთის აღსრულების სისტემის ორგანოებში სახელმწიფო სამსახურის გავლის წესის“ მე-4 მუხლის მე-8 პუნქტისა და „საქართველოს სასჯელაღსრულებისა და პრობაციის სამინისტროს დებულების დამტკიცების შესახებ“ საქართველოს მთავრობის 2009 წლის 30 იანვრის №8 დადგენილებით დამტკიცებული დებულების მე-5 მუხლის მე-2 პუნქტის „თ“ ქვეპუნქტის შესაბამისად,“.

ა) პირველი პუნქტი ჩამოყალიბდეს შემდეგი რედაქციით:

„1. დამტკიცდეს საქართველოს სასჯელაღსრულებისა და პრობაციის სამინისტროს სისტემაში შემავალი სახელმწიფო საქვეუწყებო დაწესებულების - სასჯელაღსრულების დეპარტამენტისა (შემდგომში - დეპარტამენტი) და მის დაქვემდებარებაში არსებული პატიმრობისა და თავისუფლების აღკვეთის დაწესებულებების მოსამსახურეების (შემდგომში - მოსამსახურე) სამსახურებრივი მოწმობის (შემდგომში - მოწმობა) ფორმის თანდართული ნიმუში. მოწმობა წარმოადგენს ელექტრონულ პლასტიკურ ბარათს. მოწმობის ორივე მხარეს ფონი არის თეთრ და მწვანე ფერებში და მასზე დატანილია საქართველოს სახელმწიფო დროშის გამოსახულებები.“;

ბ) მე-2 პუნქტის „ა.ბ“ ქვეპუნქტი ჩამოყალიბდეს შემდეგი რედაქციით:

„ა.ბ) ზედა ნაწილში შავი ფერის შრიფტით გამოსახულია წარწერა „საქართველოს სასჯელაღსრულებისა და პრობაციის სამინისტრო“, ხოლო მის ქვემოთ, მწვანე ფერის შრიფტით, წარწერა - „სასჯელაღსრულების დეპარტამენტი;“;

გ) მე-2 პუნქტის „ბ.დ“ ქვეპუნქტი ჩამოყალიბდეს შემდეგი რედაქციით:

„ბ.დ) ზედა ნაწილში, შავი შრიფტით ინგლისურ ენაზე აღნიშნულია საქართველოს სასჯელაღსრულებისა და პრობაციის სამინისტროს დასახელება, ხოლო მის ქვემოთ, მწვანე შრიფტით, დეპარტამენტის დასახელება; შუა ნაწილში შავი შრიფტით, ინგლისურ ენაზე აღნიშნულია მოსამსახურის სახელი და გვარი.“.