საქართველოს რეგიონული განვითარებისა და ინფრასტრუქტურის სამინისტროს სახელმწიფო კონტროლს დაქვემდებარებული საჯარო სამართლის იურიდიული პირის – ევრაზიის სატრანსპორტო დერეფნის საინვესტიციო ცენტრისათვის „საქართველოს 2014 წლის სახელმწიფო ბიუჯეტის შესახებ“ საქართველოს კანონის 23-ე მუხლით გათვალისწინებულ შეზღუდვებზე გამონაკლისის დაშვების თაობაზე

საქართველოს მთავრობის

განკარგულება №323

2014 წლის 21 თებერვალი

ქ. თბილისი

საქართველოს რეგიონული განვითარებისა და ინფრასტრუქტურის სამინისტროს სახელმწიფო კონტროლს დაქვემდებარებული საჯარო სამართლის იურიდიული პირის – ევრაზიის სატრანსპორტო დერეფნის საინვესტიციო ცენტრისათვის  „საქართველოს 2014 წლის სახელმწიფო ბიუჯეტის  შესახებ“  საქართველოს კანონის 23-ე  მუხლით გათვალისწინებულ შეზღუდვებზე გამონაკლისის დაშვების თაობაზე

1. „საქართველოს 2014 წლის სახელმწიფო ბიუჯეტის შესახებ“ საქართველოს კანონის 23-ე მუხლის მე-7 პუნქტის შესაბამისად, სსიპ – ევრაზიის სატრანსპორტო დერეფნის საინვესტიციო ცენტრზე არ გავრცელდეს „საქართველოს 2014 წლის სახელმწიფო  ბიუჯეტის  შესახებ“ საქართველოს კანონის 23-ე მუხლის მე-3, მე-4 და მე-5  პუნქტებით გათვალისწინებული შეზღუდვები და მიეცეს თანხმობა, რომ:

ა) ცენტრის დირექტორის თანამდებობრივი სარგო განისაზღვროს არაუმეტეს 4 100 ლარით;

ბ) ცენტრის შტატით გათვალისწინებულ თანამშრომელთა საშუალო თანამდებობრივი სარგო განისაზღვროს არაუმეტეს 2 548 ლარით;

გ) საპრემიო ფონდის წლიური მოცულობა განისაზღვროს არაუმეტეს შტატით გათვალისწინებულ თანამდებობებზე ფაქტობრივად დასაქ­მებულ თანამშრომელთა თანამდებობრივი სარგოებისათვის წლის განმავლობაში გაწეული საკასო ხარჯის 28%-ის ოდენობით.

2. განკარგულება ძალაშია 2014 წლის 1 იანვრიდან.

პრემიერ-მინისტრი                                                         ირაკლი ღარიბაშვილი